Féilirí na Scoilbhliana 2026/2027

Is ceardlann idirghníomhach í an Seó Bóthair a spreagann daltaí chun smaointeoireacht chriticiúil a dhéanamh maidir lena dtuairimí i leith na teanga.

Tá an cheardlann dírithe ar dhaltaí idir 16 – 18 mbliana d’aois. Déantar plé ar na háiteanna ar féidir leo an Ghaeilge a úsáid, cearta teanga, deiseanna fostaíochta agus cúrsaí tríú leibhéal atá ar fáil.

Tá an cheardlann saor in aisce.

Is é Raidió Rí-Rá an stáisiún náisiúnta Gaeilge don aos óg, ar líne agus ar DAB. Eagraíonn Raidió Rí-Rá ceardlanna raidió do dhaltaí gaelscoile agus iarbhunscoile lán-Ghaeilge ina bhfoghlaimíonn rannpháirtithe scileanna cumarsáide, eagarthóireachta, agus léiriúcháin.

Is deis iontach iad na ceardlanna do dhaltaí taithí a fháil ar ghairm na craoltóireachta agus cuireann siad buntáiste na Gaeilge lasmuigh den seomra ranga ina luí orthu.

Is ardán oideachais Gaeilge é ⁠Foghlaim TG4 a chuireann ábhar foghlama ar fáil do scoláirí agus do mhúinteoirí.

Tá físeáin agus ceachtanna ann do bhunscoileanna, don tsraith shóisearach, don ardteist, agus d’fhoghlaimeoirí fásta.

Is scéim scoile uile í Gaelbhratach a spreagann daltaí chun an Ghaeilge a úsáid go nádúrtha gach lá.

Oibrímid le scoileanna chun droichead idir an t-ábhar scoile agus an teanga bheo laethúil a chruthú, trí dheiseanna úsáide Gaeilge spraíúla, cruthaitheacha agus daltaí-lárnacha a chur i bhfeidhm. Bígí linn!

Is scéim scoile uile í Gaelbhratach a spreagann daltaí chun an Ghaeilge a úsáid go nádúrtha gach lá.

Oibrímid le scoileanna chun droichead idir an t-ábhar scoile agus an teanga bheo laethúil a chruthú, trí dheiseanna úsáide Gaeilge spraíúla, cruthaitheacha agus scoláirí-lárnacha a chur i bhfeidhm.

Beidh Ceiliúradh Gaelbhratach na hIar-bhunscoileanna ar an 11 Bealtaine 2027. 

Soláthraíonn COGG réimse leathan áiseanna do scoileanna, mar aon le cuairteanna scoile agus cúrsaí Gaeilge san earrach agus le linn an tsamhraidh.

Breis eolais ar fáil ó eolas@cogg.ie

Tá foireann GaelAonad Oide ag soláthar réimse tacaíochtaí chun tacú le scoileanna faoin bPlean Gnímh don Ghaeilge i Scoileanna Meán-Bhéarla ina measc, tá cuairteanna tacaíochta scoile, éispéiris foghlama gairmiúil agus cúrsaí samhraidh FCÁT.

Breis eolais ar fáil ó eolas@oide.ie

Tá Scríobh Leabhar urraithe ag Clár na Leabhar Gaeilge, Foras na Gaeilge. Reáchtáiltear an tionscadal i gcomhpháirt le hionaid oideachais ar fud na hÉireann.

Tugtar deis do pháistí bunscoile leabhar a scríobh, a dhearadh, agus a fhoilsiú as Gaeilge. Cuireann an tionscadal léitheoireacht agus scríbhneoireacht na Gaeilge chun cinn.

Cláraíonn scoileanna suim leis an Ionad Oideachais áitiúil i Meán Fómhair.

Tá Tráth na gCeist Náisiúnta Feachtas á eagrú d’iar-bhunscoileanna arís i mbliana.

Tugann sé deis do scoláirí sóisearacha agus sinsearacha a scileanna Gaeilge a fhorbairt, obair mar fhoireann agus spraoi a bhaint as an nGaeilge.

Beidh na réamhbhabhtaí ar siúl ó Mheán Fómhair 2026 go dtí Eanáir 2027. Beidh an chraobh ar siúl i mBaile Átha Cliath ar an 4 Márta 2027. Breis eolais: trathnagceist@feachtas.ie

Tugann comórtais taibhealaíon Oireachtas na Samhna ardán iontach do dhaoine óga a gcuid tallainne a léiriú trí Ghaeilge.

Ó amhránaíocht, cheol agus damhsa go rapcheol, scéalaíocht agus agallamh beirte, is deis iontach iad chun dul ar stáitse, dúshlán a thabhairt dóibh féin agus a bheith páirteach i bpobal cruthaitheach bríomhar.

Comhdháil Teagaisc do mhúinteoirí Gaeilge iar-bhunscoile (T1 agus T2) agus do mhúinteoirí gaelscoile (leibhéal na bunscoile).
Ar Dé Céadaoin 16/09/26, le linn am scoile 9.15 – 1.15, i gColáiste na hOllscoile Corcaigh.
Do mhúinteoirí i scoileanna T1 agus T2.

Tuilleadh eolais ar Eventbrite.ie thíos nó ag teagasc@ucc.ie

Is comórtas díospóireachta náisiúnta do scoileanna a fheidhmíonn trí mheán na Gaeilge é Díospóireacht Uí Chadhain.

Tugtar deis do dhaltaí sóisearacha agus sinsearacha scileanna óráidíochta a neartú, obair mar fhoireann, agus an Ghaeilge a chur chun cinn os comhair an phobail. Beidh an chraobh ar siúl 21 Eanáir 2027. 

Do dhaoine óga, a dhéanann aithris ar Bhrian Tyers, Mac Dara Mac Donnchadha nó Marty Morrissey, tá Gael Linn ag tabhairt seans daoibh bhur dtráchtaireacht féin a chur os comhair an phobail trí pháirt a ghlacadh sa chomórtas seo atá ainmnithe i gcuimhne ar Mhicheál Ó Muircheartaigh a thug an-tacaíocht d’obair Ghael Linn i gcónaí.

Spriocdháta clárúcháin: 9/9/26
Spriocdháta do thaifeadtaí: 23/9/26

Is comórtas díospóireachta náisiúnta do scoileanna meán-Bhéarla é Díospóireacht an Phiarsaigh.

Tugtar deis do scoláirí sóisearacha agus sinsearacha scileanna óráidíochta a neartú, obair le chéile mar fhoireann, agus an Ghaeilge a chur chun cinn os comhair an phobail.

Beidh an chraobh ar siúl 15 Márta 2027. 

Is comórtas tallainne agus spraíúil é Scléip atá oscailte do na hiar-bhunscoileanna lán-Ghaeilge amháin, le béim ar na healaíona comhaimseartha.

Tugtar deis do scoláirí iar-bhunscoile ceol agus amhráin a chur ar stáitse os comhair lucht féachana agus moltóirí proifisiúnta, in amharclanna ó cheann ceann na tíre.

Beidh an chraobh ar siúl 3 Feabhra 2027.

300 Scoil- 30,000 Dalta
Lá amháin – Gaeilge gan stad
An mbeidh do scoil páirteach???

Tá Gaeilge24 ar ais arís! Dúshlán iontach don rang, don bhliain nó don scoil ar fad. Cláraigh go luath le cártaí urraíochta a fháil sa phost an tseachtain seo, spriocdháta clárúcháin: 21 Deireadh Fómhair 2026,

Lá Gaeilge24: 10 Samhain 2026 

Tugann an comórtas seo deis do scoláirí i mbunscoileanna agus in iar-bhunscoileanna sluán cruthaitheach Gaeilge a chumadh chun an mhatamaitic a cheiliúradh le linn Sheachtain an Mhata (10-18 Deireadh Fómhair).

Is comórtas é seo do ghrúpaí ceoil traidisiúnta. Tá sé á reáchtáil ag Gael Linn le tacaíocht ó RTÉ Raidió na Gaeltachta agus Irish Music Magazine, chun spreagadh agus ardán a thabhairt don chuid is fearr d’ógthallann cheoil agus amhránaíochta traidisiúnta na tíre.

Beidh an chraobh ar siúl i mí Aibreáin 2027. 

Eagraíonn Glór na nGael an Seomra Teaghlaigh ag Oireachtas na Samhna gach bliain.

I mbliana arís, beidh réimse leathan imeachtaí trí Ghaeilge ar fáil do pháistí agus dá dteaghlaigh, idir chluichí, cheol, scéalaíocht, cheardaíocht, cheardlanna agus shiamsaíocht, i spás fáilteach spraíúil do theaghlaigh.

An bhfuil grá agat don Ghaeilge, don cheol, don chruthaitheacht agus don chraic? Is í Oireachtas na Samhna an áit duit!

Féile bhríomhar, ildánach í a thugann seans duit do chuid Gaeilge a úsáid, cairde nua a dhéanamh agus páirt a ghlacadh i gceiliúradh mór na teanga agus an chultúir.

Is lá traenála é seo atá curtha ar siúl ag Conradh na Gaeilge agus Aontas Daltaí Iar-Bhunscoile na hÉireann timpeall na tíre le deis a thabhairt do dhaltaí iar-bhunscoile freastal ar cheardlanna idirghníomhacha a bhaineann le conas an Ghaeilge a chur chun cinn sa scoil, bualadh le scoláirí ó scoileanna eile agus go leor eile.

Baile Átha Cliath 10/10/2026, Corcaigh 17/10/2026, Gaillimh 07/11/2026, Béal Feirste 14/11/2026

Breis eolais: scolaireachtaideis@gretb.ie

Bí linn in Óstán Killeshin, Port Laoise, R32 TYW7 le haghaidh ócáid foghlama gairmiúla bhríomhar a bheidh dírithe go sonrach ar mhúinteoirí Gaeilge.

Beidh ionchur ó Chigireacht na Roinne Oideachais agus Óige, mar aon le múinteoirí reatha ag roinnt straitéisí éifeachtacha, cleachtais ranga agus léargais oideolaíocha.

Bí linn do Thionól Forbartha 2026 agus buail le do chuid comhghleacaithe le saincheisteanna a bhaineann leis an oideachas lán-Ghaeilge a phlé; dea-chleachtais a mhalartú; foghlaim óna chéile; acmhainní nua a thriail; smaointe cruthaitheacha nua a fháil; agus líonrú le pobal leathan oideachasóirí, taighdeoirí, agus baill foirne eile. 

Bí linn in Óstán Killeshin, Port Laoise, R32 TYW7 le haghaidh ócáid foghlama gairmiúla bhríomhar a bheidh dírithe go sonrach ar mhúinteoirí Gaeilge.

Beidh ionchur ó Chigireacht na Roinne Oideachais agus Óige, mar aon le múinteoirí reatha ag roinnt straitéisí éifeachtacha, cleachtais ranga agus léargais oideolaíocha.

Reáchtálann COGG an comórtas náisiúnta seo do dhaltaí bunscoile le linn Sheachtain na hEolaíochta (8–15 Samhain 2026).

Tugann an comórtas deis do dhaltaí dul i ngleic leis an eolaíocht trí mheán na Gaeilge ar bhealach cruthaitheach taitneamhach.

Cuireann Glór na nGael cuairt speisialta na Nollag ar fáil do theaghlaigh san Ardchathair gach bliain.

Bíonn deis ag páistí bualadh le Daidí na Nollag, amhráin a chanadh, dathú a dhéanamh agus litir a scríobh, agus faigheann gach teaghlach grianghraf den chuairt agus bronntanas beag.

Tá an Ghaeilge beo timpeall na cruinne.

Le linn na seachtaine seo cruthóimid nasc idir an Ghaeilge thar lear agus in Éirnn le réimse imeachtaí ar líne.

Is í aidhm an chomórtais #Dúshlán nó deis a thabhairt do dhaltaí iar-bhunscoile úsáid a bhaint as an nGaeilge i slí thaitneamhach lasmuigh den seomra ranga.

Bíonn triúr ar gach foireann, agus 30 tasc le baint amach acu taobh istigh de 50 an chloig. Tá €2,400 le buachan i nduaiseanna do na foirne iar-bhunscoile is fearr!

Is scéim chothaithe é seo do bhannaí agus do cheoltóirí ar mhaith leo a gceol a chruthú acu trí mheán na Gaeilge.

Tabharfar treoir agus comhairle leanúnach chomh maith le deiseanna oiliúna, taifeadta agus poiblíochta do na bannaí rathúla, agus cuirfear deiseanna ar fáil dóibh ceol a chur chun ardáin ag féilte agus ag ceolchoirmeacha ar nós Féile na Gealaí agus Electric Picnic.

Osclófar iarratais don scéim i Feabhra 2027.

Reáchtálfaidh COGG, TG4 agus Ollscoil na Gaillimhe Cúrsa agus Comórtas Iriseoirí an Lae Amárach i mí Eanáir/Feabhra 2027.

Tá an cúrsa dírithe ar scoláirí in Iar-bhunscoileanna Gaeltachta agus Lán-Ghaeilge ar fud na tíre agus deis ag scoláirí scileanna iriseoireachta a fhoghlaim ó shaineolaí a bhfuil taithí na mblianta acu ag obair sna meáin chumarsáide.

Déanfar comórtas a fhógairt le linn na laethanta traenála. 

Tá Seachtain na Gaeilge ina buaicphointe bliantúil agus ar an gceiliúradh is mó ar an nGaeilge agus an cultúr Gaelach i scoileanna na tíre.

Chomh maith le himeachtaí sa scoil, is féidir le daltaí cur isteach ar ár gComórtais Óige. Tá duaiseanna iontacha ar fáil agus gheobhaidh gach iarrthóir teastas rannpháirtíochta.

Craolfar Raidió Rí-Rá beo ar aerthonnta FM i nGaillimh, i Luimneach, i gCorcaigh agus i mBaile Átha Cliath ar feadh na míosa mar chuid dá bhfeachtas leanúnach stáisiún náisiúnta don aos óg a chur ar an aer go buan.

Craolfar popcheol agus ceol nua chomh maith le comhráite, craic agus comórtais.

Ar fáil ar DAB agus ar líne go náisiúnta agus go hidirnáisiúnta chomh maith le rrr.ie agus ar aip Raidió Rí-Rá ar ghutháin chliste. 

Tar éis an lae stairiúil FÍS 2026 ina raibh 100 seastán agus 4,000 dalta, táimid ag ullmhú i gcomhair comhdháil níos fearr fós le FÍS 2027 san RDS / An Cumann Ríoga, BÁC.

Seo an t-imeacht is mó don aos óg trí Ghaeilge a thugann scoláirí le chéile le holl-theachtaireacht amháin: is bua luachmhar í an Ghaeilge sa saol acadúil, gairmiúil agus sóisialta. 

Mar chuid de Sheachtain na Gaeilge, déanann Lá na Teicneolaíochta ceiliúradh ar an nGaeilge agus an teicneolaíocht.

Beidh ceardlanna idirghníomhacha á reáchtáil mar chuid de.

Déan teagmháil linn ag snag@cnag.ie le haghaidh tuilleadh eolais.

Comórtas a spreagann daltaí na sraithe sinsearaí/idirbhliana a bhfuil taithí oibre déanta acu machnamh domhain a dhéanamh ar na scileanna a d’fhorbair siad agus chun gairm a d’fhéadfadh a bheith acu sa todhchaí a iniúchadh. 

Tugann an comórtas seo deis do dhaltaí i mbunscoileanna agus in iar-bhunscoileanna a súile mata a úsáid chun Lá Idirnáisiúnta na Matamaitice a cheiliúradh (14 Márta 2027).

Spreagtar na daltaí lena gcruthaitheacht agus lena samhlaíocht mhatamaiticiúil a léiriú. 

Is deis í Ard-Fheis na nÓg do ghlúin óg na Gaeltachta agus daoine óga eile le Gaeilge ceisteanna a linne a phlé eatarthu féin.

Déanfaidh siad cur i láthair ar na mórcheisteanna sóisialta agus freastalóidh siad ar cheardlanna téamúla ar shaol na Gaeilge.

Imeacht thar oíche í Ard-Fheis na nÓg do dhaltaí sa tsraith shinsearach i scoileanna Gaeltachta/Gaelcholáistí. Láthair le deimhniú fós – coinnigh súil ar an nasc thíos.

Eagraítear féilte drámaíochta ar fud na tíre chun drámaí trí mheán na Gaeilge a spreagadh agus a chur chun cinn i measc ghlúin óg na tíre.

Tugann na féilte seo deis do scoláirí bunscoile agus iar-bhunscoile scileanna teanga, cruthaitheachta agus drámaíochta a fhorbairt i dtimpeallacht spreagúil agus shiamsúil.

Eagraítear féilte ar bhonn áitiúil ó mhí Feabhra ar aghaidh, ar bhonn cúige i mí an Mhárta agus ar bhonn náisiúnta i mí Aibreáin, rud a thugann deis do scoláirí ó gach cearn den tír páirt a ghlacadh san fhéile.

Tá sé mar aidhm ag na Féilte Peile deis a thabhairt do dhaoine óga atá ag freastal ar scoileanna lán-Ghaeilge agus ó bhunscoileanna Gaeltachta teacht le chéile do bhlitzchomórtas peile agus gníomhaíochtaí sóisialta thar dhá lá sna réigiúin Ghaeltachta éagsúla.

Dátaí: Féile Peile na Rinne – 01/06/2027 agus 02/06/2027, Féile Peile Uladh – 13/05/2027 agus 14/05/2027 agus Féile Peile Chonnachta, Laighean, agus Ciarraí – Bealtaine 2027