Fóram Gairmeacha Teanga le Parlaimint na hEorpa: Gaillimh

An bhfuil suim agat i ngairm bheatha idirnáisiúnta a chomhcheanglaíonn do chuid scileanna teanga le hobair thábhachtach san Aontas Eorpach?

Bí linn in Ollscoil na Gaillimhe Dé Céadaoin, an 14 Deireadh Fómhair, le haghaidh Fhóram Gairmeacha Teanga, atá á eagrú ag Seirbhís Aistriúcháin Pharlaimint na hEorpa. Tá an t-imeacht seo dírithe go sonrach ar ghairmithe teanga agus ar mhic léinn le Gaeilge nó le Béarla – aistritheoirí, eagarthóirí, agus saineolaithe teanga.

Beidh deis agat bualadh lenár nArd-Stiúrthóir agus lenár gCinn Aonaid, páirt a ghlacadh i gceardlanna praiticiúla san aistriúchán agus sa Teanga Shoiléir, agus tuilleadh a fhoghlaim faoi thréimhsí oiliúna agus faoi chonairí gairme i bParlaimint na hEorpa.

Dáta: Dé Céadaoin, an 14 Deireadh Fómhair
Áit: Seomra MY127 (Amharclann Léachta 3), Ollscoil na Gaillimhe
Eolas agus Clárú: Anseo

Bí linn agus faigh amach cá bhféadfadh do scileanna teanga tú a thabhairt!