Cérbh í Máire Ní Raghallaigh?

Rugadh Máire Ní Raghallaigh i gcontae na Mí in 1867 agus d’aistrigh a muintir go contae Chill Dara agus í óg, áit a raibh cónaí uirthi ar feadh 30 bliain. Bhí ról lárnach aici i mbunú na chéad chraoibhe de Chonradh na Gaeilge i Nás na Ríogh i 1901 agus bhí sí ana ghníomhach i ngluaiseacht na Gaeilge agus i ngluaiseacht na saoirse i gcoitinne. Is beag aitheantas atá faighte aici, áfach, don mhórobair a rinne sí ar son na tíre. Más mian leat tuilleadh a fháil amach fúithi agus a gaol le Pádraig Mac Piarais, bunú ghluaiseacht an Fháinne, a ról in 1916 agus a saol trí Ghaeilge bí linn i leabharlann Nás na Ríogh Dé Céadaoin an 19ú Lúnasa.
Is imeacht de chuid Sheachtaine na hOidhreachta é seo.