Tá Comhar Naíonraí na Gaeltachta ag lorg iarratais don phost mar Oibrí Tacaíochta AIM Naíonra Mhic Dara, an Cheathrú Rua, Co. na Gaillimhe.
Ní mór d’iarrthóirí cáilíocht Leibhéal 5 i gCúram Leanaí (QQI/ FETAC nó a chomhionann) a bheith acu, agus taithí ar obair le páistí faoi chúig bhliana d’aois chomh maith le taithí ag obair mar chuid d’fhoireann. Tá líofacht sa Ghaeilge riachtanach don phost seo.
Is post páirtaimseartha é seo, ag obair ó Luan go hAoine.
Tá Comhar Naíonraí na Gaeltachta ag lorg iarratais don phost mar Mhúinteoir Luathbhlianta i Naíonra na Dromad, Cillín Liath, Máistir Gaoithe, Cill Airne, Co. Chiarraí.
Ní mór d’iarrthóirí cáilíocht Leibhéal 5 i gCúram Leanaí (QQI/ FETAC nó a chomhionann) a bheith acu, agus taithí ar obair le páistí faoi chúig bliana d’aois chomh maith le taithí ag obair mar chuid d’fhoireann. Tá líofacht sa Ghaeilge riachtanach don phost seo.
Is post páirtaimseartha é seo, ag obair ó Luan go hAoine.
Teideal an Phoist: Oifigeach Forbartha (Cúige Mumhan)
Freagrach do: Bainisteoir Forbartha
Cur síos ar an bPost: Beidh an tOifigeach Forbartha freagrach go
príomha as gnéithe éagsúla a bhaineann le cur i gcrích aidhmeanna
TnaG (Cúnamh agus tacaíocht do theaghlaigh atá ag tógáil a gclann le
Gaeilge sa Ghaeltacht nó ar mian leo a leithéid a dhéanamh). Beidh
sé/sí ag obair i gcomhar le baill foirne eile ar chlár oibre na
heagraíochta, na scéimeanna teaghlaigh agus pobail go háirithe, a
eagrú agus a fhorbairt. Bíonn suas le trí Limistéar Pleanála Teanga
faoi chúram an Oifigigh Forbartha.
Ceantar Oibre: Beidh an tOifigeach Forbartha ag obair sna Limistéir
Pleanála Teanga: Múscraí, Cléire agus Na Déise.
Painéal: Tá sé i gceist ag TnaG liosta ionadaithe a bhunú mar chuid
den phróiseas earcaíochta seo, a fhéadfar a úsáid le haghaidh folúntais
sa réimse seo amach anseo.
Cúraimí
Na scéimeanna atá aontaithe i gclár oibre TnaG a eagrú sna
Limistéir Pleanála Teanga a bheidh faoina gcúram i gcomhar
leis an mBainisteoir Forbartha.
Poiblíocht agus margaíocht a dhéanamh ar imeachtaí, ócáidí,
seirbhísí agus scéimeanna go háitiúil.
Oibriú ar scéimeanna náisiúnta TnaG.
A bheith rannpháirteach mar bhall den fhoireann.
Freastal ar chruinnithe éagsúla d’fhoireann TnaG mar is cuí.
Coinneáil ar an eolas faoi fhorbairtí a bhaineann le réimsí an
phoist.
Tugtar an méid seo thuas mar threoir ghinearálta ar chúraimí agus ar
fhreagrachtaí. Ní cur síos iomlán é.
Is ceart litir iarratais mar aon le CV reatha i nGaeilge agus
ainmneacha beirt mholtóirí a sheoladh roimh 1.00in Dé hAoine 21 Samhain 2025 chuig: sorcha@tuismitheoiri.ie
Tá Comhar Naíonraí na Gaeltachta ag lorg iarratais don phost mar Oibrí Naíolainne in Ionad Tacaíochta Teaghlaigh Bhaile an Fheirtéaraigh, Co. Chiarraí.
Ní mór d’iarrthóirí cáilíocht Leibhéal 5 i gCúram Leanaí (QQI/ FETAC nó a chomhionann) a bheith acu, agus taithí ar obair le páistí faoi chúig bliana d’aois chomh maith le taithí ag obair mar chuid d’fhoireann. Tá líofacht sa Ghaeilge riachtanach don phost seo.
Is post páirtaimseartha é seo, ag obair ó Luan go hAoine
Tá Comhar Naíonraí na Gaeltachta ag lorg iarratais don dhá phost mar Phríomh-Mhúinteoir Luathbhlianta & Múínteoir Luathbhlianra i Naíonra Bhéal Átha an Ghaorthaidh, Coláiste na Mumhan, Béal Átha an Ghaorthaidh, Maigh Chromtha, Co. Chorcaí.
Ní mór d’iarrthóirí cáilíocht Leibhéal 6 i gCúram Leanaí (QQI/ FETAC nó a chomhionann) a bheith acu don phost mar Phríomh-Mhúinteoir, agus cáilíocht Leibhéal 5 i gCúram Leanaí (QQI/ FETAC nó a chomhionann) a bheith acu don phost mar Mhúinteoir Luathbhlianta, agus taithí ar obair le páistí faoi chúig bliana d’aois chomh maith le taithí ag obair mar chuid d’fhoireann. Tá líofacht sa Ghaeilge riachtanach don phost seo.
Is post páirtaimseartha é seo, ag obair ó Luan go hAoine.
Tá Comharchumann Shailearna Teo. ag lorg iarratais do phost lánaimseartha mar Oibrí (barista) i mBlaisín (Trucail caife).
Bheadh sé mar bhuntáiste don iarrthóir:
Taithí san earnáil bhia (Barista) a bheith aige/aici nó a bheith sásta traenáil barista a dhéanamh
Cáilíocht i gcúrsa Sábháilteacht Bia & Sláinteachas (HACCP) nó a bheith sásta an cháilíocht a bhaint amach.
Cuirfear deiseanna meantóireachta san earnáil (Barista) ar fáil más gá don té a cheapfar sa bpost.
Tá líofacht Gaeilge riachtanach don phost seo. Is post lánaimseartha é seo agus íocfar an té a cheapfar ráta pá idir €15 – €16 in aghaidh na huaire ag braith ar a thaithí.
Tugtar tuilleadh eolais ar shonraí an phoist trí ríomhphost a sheoladh chuig oifig@cst.ie nó glaoch ar (091) 399 199.
Ba cheart litir iarratais chomh maith le CV a sheoladh roimh an 5:00i.n., Dé hAoine 28ú Samhain, 2025 chuig oifig@cst.ie nó chuig:
An Bainisteoir
Comharchumann Shailearna Teo.,
Na hAille,
Indreabhán,
Co na Gaillimhe
Tá post Oifigeach Pleanála Teanga á thairiscint ag Líonra Gaeilge, Sráidbhaile Chluain Dolcáin
Líonra Gaeilge i gcomhréir le forálacha Acht na Gaeltachta, 2012 agus Aguisín B (Coimitmintí Rialtas na hÉireann) sa Chomhaontú Ré Nua, Cur Chuige Nua. Is plean teanga seacht mbliana atá i gceist, atá mar aidhm aige líon cainteoirí laethúla Gaeilge a mhéadú agus cur le na deiseanna úsáide teanga i (Líonra Gaeilge) Sráidbhaile Chluain Dolcáin. Beidh priomhfhreagracht ag an Oifigeach Pleanála Teanga (Comhordaitheoir) an plean a chur i bhfeidhm, thar ceann an Choiste Stiúrtha.
Is post ar chonradh dhá bhliain atá á thairiscint agus beidh féidearthachtaí fostaíochta seasta ann, ag bráth ar mhaoiniú. Beidh an té a cheapfar freagrach as cur i bhfeidhm bearta an phlean teanga. Beidh an té a cheapfar fostaithe ag Muintir Chrónáin CTR, i gcomhar le Coiste Stiúrtha Líonra Gaeilge, Sráidbhaile Chluain Dolcáin agus ag obair go dlúth leis an gCoiste Stiúrtha maidir le clár oibre aontaithe a chur i bhfeidhm.
Beidh an duine a cheapfar lonnaithe in Áras Chrónáin, Ionad Cultúir Luan go hAoine. Seans go ndéanfar socruithe breise cian-oibre (obair ón mbaile) de réir srianta sláinte. Beidh freastal ar chruinnithe taobh amuigh de ghnáth uaireanta oibre mar chuid de na cúraimí oibre ó am go céile. Beidh taisteal i gceist leis an bpost, mar sin ní mór d’iarratasóirí ceadúnas tiomána a bheith acu. Beidh sé riachtanach go ndéanfaidh an Oifigeach Pleanála Teanga freastal leanúnach agus rialta ar chruinnithe de chuid Chomhchoiste Náisiúnta Líonraí Gaeilge, agus ar chruinnithe pleanála teanga eile de réir mar is cuí.
Tá an post an Oifigeach Pleanála Teanga ar an scála tuarastail seo a leanas mar atá leagtha amach ag an Roinn Turasóireachta, Cultúir, Ealaíon, Gaeltachta, Spóirt agus Meán: €36,450 – €51,750
Iarrtar ar dhaoine ar spéis leo iarratas a dhéanamh ar an phost seo, Foirm iarratais agus pacáiste iarratas a lorg ó Coiste Stiúrtha Líonra Gaeilge Sráidbhaile Chluain Dolcáin, trí r-phost a chur chuig lionraSCD@araschronain.ie
Glacfar le hiarratais suas go 12:00 meán lae de hAoine 21 Samhain 2025 ag lionraSCD@araschronain.ie
Ní ghlacfar le taiscthí déanacha.
Critéir Riachtanacha
Ardchaighdeán Gaeilge, idir scríofa agus labhartha;
Ardscileanna idirphearsanta agus tiomantas I dtaobh chur chun cinn na Gaeilge;
Taithí trí bliana, ar a laghad, d’obair forbartha pobail;
Taithí faoi leith ar bhainistíocht tionscadail in earnáil na Gaeilge;
Taithí ar phleanáil straitéiseach agus ar fhorbairt tionscadail aitheanta;
Céim aitheanta sa Ghaeilge, nó a chomhionann de chéim ag leibhéal Ollscoile;
Ard-scileanna pleanála maidir le tionscadail a ullmhú, a fhorbairt, agus an t-athbhreithniú agus an tuairisciú / measúnú cuí a dhéanamh ina léith;
Taithí faoi leith ar thuairiscí ag ard-chaighdeán a ullmhú, taighde a chur i gcrích / a chur in eagar, agus a chur ar fáil don phobal;
Taithí faoi leith ar bhainistíocht airgeadais agus buiséid, mar aon le freagracht a ghlacadh as tuairiscithe Airgeadais a ullmhú;
Ard-scileanna cumarsáide, margaíochta agus poiblíochta, mar a bhaineann siad leis na meáin shóisialta agus leis na meáin tráidisiúnta ar aon;
Taithí ar iarratais mhaoinithe a ullmhú agus a chur i gcrích.
Critéir inmhianaithe
Iarchéim nó máistreacht aitheanta i bPleanáil teanga, nó a chomhionann d’ábhar mar a bhaineann le forbairt pobail nó teanga;
Taithí ar bhainistíocht foirne;
Taithí ar thaighde a chur i gcrích agus a fhoilsiú ag ard-chaighdeán;
Ard-scileanna ríomhaireachta mar a bhaineann le dearadh, graificí agus eagarthóireacht físe;
Cáilíocht bhreise mar a bhaineann le bainistíocht, ceannaireacht nó gobharnóireacht
Taithí abhcóideachta agus stocaireachta mar a bhaineann le cúrsaí teanga, acmhainní agus ceartais.
Saineolas breise in aon cheann de na cleachtais shochtheangeolaíochta mar a bhaineann le forbairt polasaithe agus gníomhartha sna réimsí aitheanta seo a leanas: óige, teaghlaigh, oideachas, ealaín, meáin chumarsáide, gnó, luath-bhlianta agus spórt
Ba mhian le hInstitiúid Oideachais Marino (IOM) Oifigeach Earcaíochta na Mac Léinn atá díograiseach, cruthaitheach agus bríomhar a cheapadh chun cláir fochéime agus iarchéime IOM a
chur chun cinn.
Ní mór don té a cheapfar fianaise de thiomantas láidir a léiriú maidir le cáil IOM a fhorbairt agus a fheabhsú chun ionadaíocht a dhéanamh do IOM ag imeachtaí gairme seachtracha, agus chun caidrimh a fhorbairt le scoileanna agus ollscoileanna, treoirchomhairleoirí agus mic léinn fhéideartha agus a dteaghlaigh.
Beidh ról for-rochtana áirithe ag an té a cheapfar, ach beidh air/uirthi caidrimh láidre a fhorbairt agus a choimeád le páirtithe leasmhara inmheánacha agus seachtracha iomadúla.
Tá Comhar Naíonraí na Gaeltachta ag lorg iarratais don phost mar Phríomh-Mhúinteoir Luathbhlianta i Naíonra Mhaigh Cuilinn, Áras Uilinn, Maigh Cuilinn, Co. na Gaillimhe.
Ní mór d’iarrthóirí cáilíocht Leibhéal 6 i gCúram Leanaí (QQI/ FETAC nó a chomhionann) a bheith acu, agus taithí ar obair le páistí faoi chúig bliana d’aois chomh maith le taithí ag obair mar chuid d’fhoireann. Tá líofacht sa Ghaeilge riachtanach don phost seo.
Is post páirtaimseartha é seo, ag obair ó Luan go hAoine.
Tá Comhar Naíonraí na Gaeltachta ag lorg iarratais don phost mar Oibrí Iarscoile, in Áras mhic Amhlaigh, Cnoc na Cathrach, Co na Gaillimhe.
Beidh an té a cheapfar ag cur imeachtaí agus gníomhaíochtaí spraíúla, spóirt, ealaíon agus ceardaíocht ar fáil do pháistí bunscoile le tacaíocht ón bhfoireann. Tá Gaeilge mhaith riachtanach don phost seo chomh maith le scileanna maithe cumarsáide agus idirphearsanta.
Is post páirtaimseartha é seo, le uaireanta/laethanta solúbtha.
