Téigh ar aghaidh chuig an bpríomhábhar
Lárphointe eolais na Gaeilge: Nuacht, imeachtaí, folúntais agus níos mó

Cineál poist: Téarma Seasta

Príomh-Múinteoir Luathbhlianta Naíonra Ghort an Choirce

Scríofa ag Sadhbh Ní Mhéalóid ar .

Tá Comhar Naíonraí na Gaeltachta ag lorg Príomh-Múinteoir Luathbhlianta Naíonra Ghort an Choirce, An Scoil Bheag, Gort an Choirce, Leitir Ceanainn, Co. Dhún na nGall F92Y44Y

Ní mór d’iarrthóirí cáilíocht Leibhéal 6 i gCúram Leanaí (QQI/ FETAC nó a chomhionann) a bheith acu, agus taithí ar obair le páistí faoi chúig bliana d’aois chomh maith le taithí ag obair mar chuid d’fhoireann. Tá líofacht sa Ghaeilge riachtanach don phost seo.

Is post páirtaimseartha é seo, ag obair ó Luan go hAoine.

Seol litir iarratais mar aon le CV, i nGaeilge amháin, ar ríomhphost amháin chuig: Ciara Nic Aoidh Oifigeach Forbartha CNNG, roimh an 22/06/2026.

Seoladh ríomhphoist: ciara@cnng.ie

Oibrí Tacaíochta AIM i Naíonra Bhaile Ghib

Scríofa ag Sadhbh Ní Mhéalóid ar .

Tá Comhar Naíonraí na Gaeltachta ag lorg iarratais don phost mar Oibrí Tacaíochta AIM i Naíonra Bhaile Ghib, Halla Pobail Bhaile Ghib, An Uaimh, Co. na Mí.

Ní mór d’iarrthóirí cáilíocht Leibhéal 5 i gCúram Leanaí (QQI/ FETAC nó a chomhionann) a bheith acu, agus taithí ar obair le páistí faoi chúig bhliana d’aois chomh maith le taithí ag obair mar chuid d’fhoireann. Tá líofacht sa Ghaeilge riachtanach don phost seo.

Is post páirtaimseartha é seo, ag obair ó Luan go hAoine.

Tuilleadh anseo

Oifigeach Forbartha i Réigiún na Gaillimhe

Scríofa ag Sadhbh Ní Mhéalóid ar .

Tá Comhar Naíonraí na Gaeltachta ag lorg iarratais do phost Oifigeach Forbartha i Réigiún na Gaillimhe.

Tá folúntas ag Comhar Naíonraí na Gaeltachta do dhuine cumasach agus fuinniúil i réimse dúshlánach oibre chun feidhmiú mar Oifigeach Forbartha Luathbhlianta chun forbairt, comhordú agus pleanáil a dhéanamh i réimse na luathbhlianta.

Beidh an té a cheapfar ag freastal ar sheirbhísí luathbhlianta na Gaillimhe.

Tuilleadh anseo

kinia

Oifigeach Margaíochta Digití & Ábhair Chruthaithigh

Scríofa ag Sadhbh Ní Mhéalóid ar .

Ag tuairisciú go díreach don Cheann Margaíochta & Cumarsáide, beidh an tOifigeach Margaíochta Digití & Ábhair Chruthaithigh freagrach as láithreacht dhigiteach agus cumarsáid laethúil Kinia a sheachadadh. Is ról praiticiúil é seo atá dírithe ar ábhar agus a chuimsíonn meáin shóisialta, margaíocht ríomhphoist, feachtais dhigiteacha, scéalaíocht
agus podchraoltóireacht. Beidh an té a cheapfar ina dhuine tionscantach cruthaitheach a bhfuil paisean aige/aici do chruthú ábhair atá an-láidir agus ag teacht le treochtaí reatha chun aird a tharraingt agus feidhmíocht a spreagadh ar ardáin dhigiteacha agus shóisialta, agus a n-éiríonn go maith leis/léi i dtimpeallacht ghasta atá bunaithe ar mhisean.

Seans go n-áireofar sa phróiseas roghnúcháin:

  • Scagadh iarratas;
  • Gearrliostú iarrthóirí bunaithe ar an eolas san iarratas.
  • Agallamh réamhléiritheach iomaíoch;
  • Agallamh deiridh iomaíoch.

Déanaimid ár ndícheall freagra a thabhairt do gach iarratasóir laistigh de cheithre seachtaine.

Má tá míchumas agat nó má theastaíonn socruithe réasúnta uait le linn an phróisis roghnaithe, molaimid go láidir duit é sin a chur in iúl dúinn ionas gur féidir an tacaíocht chuí a chur ar fáil duit.

  • Raon Tuarastail: €36,000 – €38,000

Conas Iarratas a Dhéanamh

Seol ríomhphost go grainneflanagan@kinia.ie
Spriocdháta: 3 Iúil 2026, 17:00 (Am na hÉireann)

Feidhmeannach Margaíochta

Scríofa ag Alex Hijmans ar .

Tá Coláiste na hÉireann/Gaelchultúr ag lorg duine fuinniúil, cruthaitheach, neamhspleách agus cumasach a bhfuil ardscileanna cumarsáide acu le bheith ag obair mar Fheidhmeannach Margaíochta. Conradh 6 mhí atá i gceist leis an ról seo agus beidh obair ó chian i gceist chomh maith.

Ní mór d’iarrthóirí caighdeán réasúnta ard Gaeilge a bheith acu, taithí a bheith acu ar na meáin shóisialta agus cur amach a bheith acu ar fheidhmchláir deartha.

Tuarastal de réir taithí agus cáilíochtaí; gnáthuaireanta oibre. Beidh deiseanna ag an té a cheapfar oiliúint a fháil sa chomhlacht féin agus taobh amuigh de.

Is féidir le hiarrthóirí tuilleadh eolais a fháil anseo: https://www.gaelchultur.com/ga/jabanna/feidhmeannach-margaiochta

Déan teagmháil le poist@gaelchultur.com 

Feighlí Scoile

Scríofa ag Sadhbh Ní Mhéalóid ar .

Tá iarratais ar ról airígh páirtaimseartha (idir 10-20 n-uair a chloig in aghaidh na seachtaine, le haontú leis an té a cheapfar) á lorg ag Bord Bainistíochta Ghaelscoil na gCloch Liath.

I gceist leis an ról tá;

  • garraíodóireacht bunúsach,
  • cothabháil an fhoirgnimh agus na saoráidí lasmuigh,
  • deisiúcháin ginearálta (lena n-áirítear pluméireachta, teach coire, péinteáil agus
    deisiúcháin dorais),
  • teagmháil a dhéanamh le ceardaithe gairmiúla agus dualgais eile mar is gá i
    gceist leis an ról,
  • tuiscint bhunúsach ar láimhseáil láimhe agus ar shláinte & sábháilteacht,
  • sealbhóir eochrach agus ról slándála.

Níl an liosta thuas uileghabhálach.

Tá aon tairiscint fostaíochta go docht faoi réir grinnfhiosrúcháin na nGardaí.

Iarratais chuig Gaelscoil na gCloch Liath, Bealach Laighean, Na Clocha Liatha, Co. Chill Mhantáin, nó ar r-phost chuig poist@gscl.ie roimh 25 Meitheamh 2026.

Múinteoir Luathbhlianta i Naíonra an Leitriúigh

Scríofa ag Sadhbh Ní Mhéalóid ar .

Tá Comhar Naíonraí na Gaeltachta ag lorg iarratais don phost mar Mhúinteoir Luathbhlianta i Naíonra an Leitriúigh, Halla le Chéile, Bhréanainn, Trá Lí, Co. Chiarraí, V92 DK4C.

Leibhéal 5 i gCúram Leanaí (QQI/ FETAC nó a chomhionann) a bheith acu, agus taithí ar obair le páistí faoi chúig bliana d’aois chomh maith le taithí ag obair mar chuid d’fhoireann. Tá líofacht sa Ghaeilge riachtanach don phost seo.

Ráta Pá: €16.50 – €18.00 in aghaidh na huaire, ag brath ar cáilíochtaí.

Is post páirtaimseartha é seo, ag obair ó Luan go hAoine.

Seol litir iarratais mar aon le CV, i nGaeilge amháin, ar ríomhphost amháin chuig: Oifigeach Forbartha CNNG. Roimh an 12/06/2026.

Seoladh ríomhphoist: sinead@cnng.ie

Beidh CNNG ag cuir painéal fostaithe/oibrithe le chéile ón agallamh seo chun postanna eile a thagann aníos san Eagraíocht a líonadh.

Tá lánrogha ag CNNG é sin a athrú de réir mar a fheileann sé don chomhlacht agus ag brath ar na postanna atá le líonadh.

Fostóir chomhdheiseanna is ea Comhar Naíonraí na Gaeltachta.

Oibrí Luathbhlianta Páirtaimseartha in Ionad Cúraim Leanaí Charna

Scríofa ag Sadhbh Ní Mhéalóid ar .

Tá Comhar Naíonraí na Gaeltachta ag lorg iarratais don phost mar Oibrí Luathbhlianta Páirtaimseartha in Ionad Cúraim Leanaí Charna, Co. na Gaillimhe.

Ní mór d’iarrthóirí taithí a bheith acu ag obair le páistí faoi chúig bhliana d’aois, chomh maith le taithí ag obair mar chuid d’fhoireann agus cáilíocht FETAC/QQI leibhéal a cúig nó sé i gCúram Leanaí. Tá líofacht Gaeilge riachtanach don phost seo.

Ag obair ó Luan go hAoine, ón 1.00i.n. – 6.00i.n.

Ráta pá: €16.50 – €18.50 in aghaidh na huaire, ag brath ar cáilíochtaí.

Má tá tuilleadh eolais uait, is féidir glaoch ar Oifigeach Forbartha Chomhar Naíonraí na Gaeltachta ag an uimhir 091 595337.

Beidh CNNG ag cuir painéal fostaithe/oibrithe le chéile ón agallamh seo chun postanna eile a thagann aníos san Eagraíocht a líonadh.

Tá lánrogha ag CNNG é sin a athrú de réir mar a fheileann sé don chomhlacht agus ag brath ar na postanna atá le líonadh.

Seol litir iarratais mar aon le CV, i nGaeilge amháin, ar ríomhphost amháin chuig: Bainisteoir Acmhainní Daonna CNNG roimh an 16/06/2026. Seoladh ríomhphoist: foluntas@cnng.ie

Fostóir chomhdheiseanna is ea Comhar Naíonraí na Gaeltachta

Ionadaí in Iarscoil Charna

Scríofa ag Sadhbh Ní Mhéalóid ar .

Tá Comhar Naíonraí na Gaeltachta ag lorg iarratais don phost mar Ionadaí Iarscoile in Iarscoil Charna, Carna, Co. na Gaillimhe.

Beidh an té a cheapfar ag cur imeachtaí agus gníomhaíochtaí spraíúla, spóirt, ealaíon agus ceardaíocht ar fáil do pháistí bunscoile le tacaíocht ón bhfoireann. Tá Gaeilge mhaith riachtanach don phost seo chomh maith le scileanna maithe cumarsáide agus idirphearsanta.

Is post páirtaimseartha é seo, le uaireanta/laethanta solúbtha.

Beidh CNNG ag cuir painéal fostaithe/oibrithe le chéile ón agallamh seo chun postanna eile a thagann aníos san Eagraíocht a líonadh.

Tá lánrogha ag CNNG é sin a athrú de réir mar a fheileann sé don chomhlacht agus ag brath ar na postanna atá le líonadh.

Seol litir iarratais mar aon le CV, i nGaeilge amháin, ar ríomhphost amháin chuig: Bainisteoir Acmhainní Daonna CNNG. Seoladh ríomhphoist: foluntas@cnng.ie

Chun tuilleadh eolais a fháil, is feidir gloach ar 091 595 337.

Fostóir chomhdheiseanna is ea Comhar Naíonraí na Gaeltachta.

Bainisteoir CÚLA4

Scríofa ag Sadhbh Ní Mhéalóid ar .

Fáilteoidh TG4 roimh iarratais ar an bpost Bainisteoir Chainéal CÚLA4 ar chonradh 3 bliana.

Is post sinsearach, dúshlánach é seo ag bainistiú agus ag forbairt Chainéal CÚLA4. I gCeannáras TG4 i nGaeltacht na Gaillimhe a bheidh an té a cheapfar lonnaithe agus beidh sé freagrach don Stiúrthóir Lucht Féachana, Margaíochta agus Comhpháirtíochta.

Beidh an té a cheapfar freagrach as ceannasaíocht a ghlacadh ar fhorbairt CÚLA4, as bainistiú a dhéanamh ar an aschur, as láithreachas agus margaíocht CÚLA4 a stiúradh agus as ardáin CÚLA4 a fhorbairt agus a chur chun cinn i measc phobal féachana leathan na hÉireann agus thar lear.

4pm Dé hAoine an 19 Meitheamh 2026 an dáta deiridh a nglacfar le hiarratais. Seol d’iarratas mar aon le litir iarratais ina leagtar amach an chaoi a n-oireann do thaithí agus do cháilíochtaí don ról seo chuig cv@tg4.ie

Tuilleadh anseo

Oibrí Óige Machaire Rabhartaigh

Scríofa ag Sadhbh Ní Mhéalóid ar .

Tá Muintearas Teo, i gcomhar le Ionad Óige Mhachaire Rabhartaigh, ag lorg duine le dul i mbun oibre mar Oibrí Óige.

  • Post páirtaimseartha: 17 n-uaire an chloig sa tseachtain
  • Conradh: 12 mhí
  • Tuarastal: €15.00 san uair
  • Lonnaithe: Ionad Pobail Mhachaire Rabhartaigh agus i gceantar Chloich Cheann Fhaola

Tuilleadh anseo

An Ciste Craoltóireachta Gaeilge – Scéim na nIontrálaithe Nua

Scríofa ag Sadhbh Ní Mhéalóid ar .

Sonraíocht an Phoist & Treoirlínte

Tá iarratais á lorg ag an Chiste Craoltóireachta Gaeilge ó dhaoine a bhfuil Gaeilge líofa acu do Scéim na nIontrálaithe Nua i Scileanna Teilifíse agus Raidió.

Deis atá ann do na hoiliúnaithe taithí phraiticiúil a fháil i léiriúcháin teilfiíse agus raidió agus iad ar socrúcháin le comhlachtaí léiriúcháin teilifíse agus craoltóirí raidió ar fud Thuaisceart Éireann.

Sonraí na Scéime

  • Socrúchán oibre 12-mhí i gceist le Fíorphá Maireachtála
  • 5 áit oiliúna ar fáil ar an scéim teilifíse agus ceann amháin ar an scéim raidió
  • Dírithe ar dhaoine atá nua sa tionscal teilifíse agus raidió
  • Caithfidh an t-iarratasóir a bheith líofa sa Ghaeilge labhartha agus scríofa

Cuirfear ar fáil:

  • Oiliúint ar an láthair oibre
  • Meantóireacht
  • Aiseolas rialta

Déanfar athbhreithniú ar an dul chun cinn mar chuid den phromhadh agus le linn na scéime ar fad.

Dátaí tábhachtacha

  • Spriocdháta do na hiarratais: 1 i.n. ar an Chéadaoin, an 17 Meitheamh 2026
  • Beidh na hagallaimh ar siúl ar: an Chéadaoin, an 24, agus an Déardaoin, an 25 Meitheamh 2026

Tuilleadh anseo

Bainisteoir ar Ionad Tacaíochta Teaghlaigh Bhaile an Fheirtéaraigh

Scríofa ag Sadhbh Ní Mhéalóid ar .

Tá Comhar Naíonraí na Gaeltachta ag lorg iarratais do phost mar Bhainisteoir ar Ionad Tacaíochta Teaghlaigh Bhaile an Fheirtéaraigh, Baile an Fheirtéaraigh Thiar, Trá Lí, Co. Chiarraí, V92 K5WT.

Beidh an té a cheapfar freagrach as riaradh agus bainistiú na seirbhíse ina iomláine.

Ní mór d’iarrthóirí taithí bainistíochta/riaracháin agus taithí ar bhainistiú foirne a bheith acu.

Tuilleadh

Bainisteoir Scrúduithe agus Measúnaithe – Seirbhís Aistriúcháin

Scríofa ag Sadhbh Ní Mhéalóid ar .

Tá dualgas ar Choimisiún na Scrúduithe Stáit (CnaSS) scrúduithe Teastais an Stáit a reáchtáil. Tá an Coimisiún freagrach as na scrúduithe a fhorbairt, a mheas, a chreidiúnú agus a dheimhniú, lena n-áirítear scrúduithe na hArdteistiméireachta, scrúduithe na
hArdteistiméireachta Feidhmí agus scrúduithe na Sraithe Sóisearaí.

Tá folúntas i Rannóg na Scrúduithe agus an Mheasúnaithe den Choimisiún anois do Bhainisteoir Scrúduithe agus Measúnaithe (BSM) sa tSeirbhís Aistriúcháin. Is deis í seo do dhuine díograiseach a bhfuil na cáilíochtaí cuí acu agus atá tiomanta seirbhís dhátheangach ardchaighdeáin a chinntiú.

Ag tuairisciú do Cheannasaí Cúnta Rannóg na Scrúduithe agus an Mheasúnaithe, beidh an té a cheapfar iomlán freagrach as Seirbhís Aistriúcháin Choimisiún na Scrúduithe Stáit a
bhainistiú agus a fhorbairt, maoirseacht a dhéanamh ar obair na Seirbhíse Aistriúcháin agus comhairle a thabhairt do CnaSS faoi gach rud a bhaineann leis an tSeirbhís Aistriúcháin.

Cé go bhfuil ceanncheathrú an Choimisiúin lonnaithe i mBaile Áth Luain, Contae na hIarmhí, bíonn na Bainisteoirí Scrúdaithe agus Measúnaithe lonnaithe ar fud na tíre.

Tuilleadh anseo: https://bit.ly/SCE_Ad_EAMGA

Is é 3i.n. ar an Déardaoin 11 Meitheamh 2026 an dáta deireanach ar a nglacfar le hiarratais chomhlíonta.

Táimid tiomanta do dheiseanna comhionannais agus cuirimid fáilte roimh iarratais faoi na naoi bhforas san Acht um Chomhionannas Fostaíochta.

Bainisteoir faoi Oiliúint

Scríofa ag Alex Hijmans ar .

Tá Comhlucht Forbartha na nDéise ag lorg Bainisteoir faoi Oiliúint faoi scéim phíolótach Údarás na Gaeltachta. Is deis iontach é seo do dhuine taithí bainistaíochta agus oiliúint san earnáil forbartha pobail a fháil. Conradh 1 bliain agus 8 mhí a bheidh i gceist.

Díreoidh an Bainisteoir faoi Oiliúint ar thionscadail shonracha atá mar chuid de chlár oibre na heagraíochta. Tabharfar taithí maidir le tograí a bhainistiú, a fhorbairt agus a thabhairt chun críche. Beidh deis ag an mbainisteoir faoi oiliúint scileanna a fhorbairt ionas go mbeidís in ann feidhmiú mar bhainisteoir ar eagraíocht forbartha pobail amach anseo. Cuirfidh Bainisteoir Chomhlucht Forbartha na nDéise treoir agus comhairle ar fáil don té a cheapfar ó lá go lá agus beidh teagmháil rialta le feidhmeannach ón Údarás maidir le dul chun cinn an clár oibre.

Tabharfaidh an bainisteoir faoi oiliúint faoi Dioplóma sa Forbairt Pobail Inbhuanaithe le linn na tréimhse fostaíochta. Ní mór ardchaighdeán Gaeilge a bheith ag an té a cheapfar. Tuasastal €36,450 – €40,000 in aghaidh na bliana.

Seol CV agus litir iarratais chuig cfdeise@gmail.com roimh 16/06/26.
Tá sonraí iomlán an poist ar fáil ó cfdeise@gmail.com chomh maith.

Gach eolas ó Cabríní de Barra ar 083 445 5914 nó ón mBainisteoir Forbartha, Micheál Ó Drisleáin ar 058 46664.

Beidh na tréithe seo a leanas de dhíth ón té a cheapfar:

  • Eagraithe agus tiomanta.
  • Ábalta glacadh le treoir.
  • Ábalta obair as a stuaim féin ó lá go lá chomh maith, gan gá le mion-bhainistaíocht.
  • Dúil i bhfoghlaim, i scileanna nua a fhorbairt, agus dul chun cinn a dhéanamh.
  • Scileanna mhaith cumarsáide, idir labhairt & scríobh, i nGaeilge agus i mBéarla
  • Solubtha ó thaobh uaireanta oibre, ag brath ar riachtanais na tograí éagsúla a fhorbairt & a chur i gcrích agus riachtanais na heagraíochta
  • Tá teacht ar mhodh taisteal iontaofa chun na hoibre le Láncheadúnas Tiomána glan riachtanach don ról.

An áit ina bhfuil muid

Conradh na Gaeilge

66 Sráid Camden Íochtarach,
Baile Átha Cliath 2,
D02 X201

Fón: +353 (0) 1 475 7401,
Facs: +353 (0) 1 475 7844,
Ríomhphost: sceal@cnag.ie

Lean Scéal.ie ar na meáin shóisialta