Cineál poist: Buan

Comhordaitheoir Cumarsáide (Dé-theangach)

Scríofa ag Alex Hijmans ar 8 Meitheamh 2026.

Is é Gailearaí Náisiúnta na hÉireann (an ‘Gailearaí’) príomh institiúid chultúrdha náisiúnta na hÉireann dírithe ar bhailiúchán agus ar chúram na mínealaíona.

Le breis is 19,000 pictiúir, líníochtaí, uiscedhathanna, mionphictiúir, priontaí, píosaí dealbhóireachta agus na healaíona maisithe, i measc bailiúcháin an-mhór na hinstitúide tá mórshaothair d’fhormhór na bpearsan is cáiliúla i stair ealaíne iarthar na hEorpa. Chomh maith leis sin, tá an bailiúchán is ionadai den ealaín stairiúil Éireannach sa Ghailearaí.

Maoinithe go príomha ag an Stát, tá breis is 180 d’fhoireann ag an nGailearaí agus rochtain saor is aisce á chur ar fáil don phobal 361 lá sa bhliain. Tá iliomad gradam agus creidiúnú bronnta ar an nGailearaí le déanaí. Ina measc tá creidiúnu faoi NSAI SWiFT 3000, a chuireann measúnacht neamhspleách ar fáil ar ár gcomhlíontacht leis an gCód Cleachtais do Rialú Eagrais Stáit agus Bonn Airgid an RIAI don Chaomhnú agus Athchóiriú.

Is mian leis an Gailearai Comhordaitheoir Cumarsáide (Dé-theangach) a fhostú mar chuid den fhoireann Chumarsáide, Mhargaíochta agus Idirghníomhú Digiteach (CMID). ‘Sé cuspóir an róil seo feachtais chumarsáide sheachtracha agus inmheánacha don Ghailearaí, don chláreagrú agus don fhoireann, a chomhordú agus a chur ar fáil, le fócas ar chumarsáid sa Ghaeilge agus sa Bhéarla.

Beidh an t-iarrthóir rathúil, ag tuairisciú dó/di don Cheannasaí Cumarsáide (nó ionadaí ainmnithe):

Ag obair leis an fhoireann CMID chun plean cumarsáide an Ghailearaí a chur le chéile agus a chomhordú, ábhar i nGaeilge san áireamh gan a bheith teoranta chuige sin, le haghaidh cúrsaí cumarsáide, margaíochta agus idirghníomhú digiteach
Ag comhordú forbairt ábhar i nGaeilge d’fhoireann CMID agus don Ghailearaí trí aistriucháin i nGaeilge a sholáthar agus foinse, measúnacht agus eagarthóireacht ar aistriúcháin Ghaeilge a chur ar fáil roimh foilsiú
Ag déanamh taighde, forbairt agus cur i gcrích ar phlean do shuíomh gréasáin Gaeilge an Ghailearaí
Ag cur cóip mheallteach agus éifeachtach dé-theangach (Gaeilge agus Béarla) ar fáil le húsáid sa chumarsáid inmheánach agus sheachtrach (m.sh. preasráitis, cur i láthair, cuirí agus ábhair phreas, ábhar suíomh gréasáin, ábhar do mheáin shóisialta, tuairiscí corporáideacha, inlíon agus fógraíocht)
Ag cinntiú go bhfuil an Gailearaí ag comhlionadh riachtanais ábhair agus fógraíochta faoi Alt 10 (A) d’ Acht na dTeangacha Oifigiúla 2021
Ag comhoibriú le foirne eile sa Ghailearaí chun cur chuige pleanáilte a fhorbairt maidir le aistriúchán agus eagarthóireacht ar dhoiciméid an Ghailearai agus tuairisciú ar ár ngníomhaíochtaí sa Ghaeilge
Ag ullmhú agus ag foilsiú ábhar agus doiciméid so-aimsithe
Ag obair le foirne ábhartha sa Ghailearaí agus úinéirí suíomh gréasáin/ardáin (m.sh. Foilseacháin & Iomhánna, Leabharlann agus Cartlann, Oideachas, Acmhainní Daonna, Miondíol agus Díolacháin Ticéad) chun cur le húsáid dé-theangach forfhearainn an Ghailearaí
Ag poibliú cláracha an Ghailearaí – suas le deich thaispeántas sa bhliain san áireamh – trí ardáin digiteacha agus de na meáin
Ag beartú agus ag cur i gcrích preasráitis agus cur i láthair atá saincheaptha agus dírithe ar réimse de sholáthraithe sna meáin Ghaeilge
Ag bainistiú agus ag caomhnú nasc le hiriseoirí agus páirtithe leasmhara, freagairt ceisteanna ó na meáin san áireamh
Ag comhordú agus ag maoirsiú gníomhaíochtaí cumarsáide agus margaíochta cosúil le réamhchuntais phreas, gairmeacha ghrianghraf, scannánú agus stiúrthóireacht ábhar físe
Ag glacadh le dualgais eile mar is cuí don phost, mar a tugtar ag an bhainistíocht líne

Ní mór go mbeadh ag an iarrthóir rathúil:

CáIlíocht tríú leibhéal
Gaeilge líofa (labhartha agus scríofa)
Taithí le haistritheoireacht – idir Ghaeilge agus Bhéarla, go hidéalach le hoiliúint nó le cáilíochtaí ábhartha AGUS/NÓ
Taithí sna méain Ghaeilge – cúlra san iriseoireacht nó le táirgiú ábhar do na meáin shóisialta trí Ghaeilge, go hidéalach le hoiliúint nó le cáilíochtaí ábhartha
Scileanna cumarsáide agus idirphearsanta den scoth a chruthú – scríofa agus ó bhéal -araon le cumas feachtais éifeachtacha, shoiléire agus spéisiúla, go hinmheánach nó go seachtrach
Eolas ar Acht na dTeangacha Oifigiúla 2021
Taithí cheana ag obair sa Chumarsáid nó a mhacasamhail de réimse
Taithí i ról Gaeilge – Béarla nó ról Gaeilge
Eolas ar thírdhreach na meán in Éirinn
Eolas ar ardáin dhigiteacha, ar bhogearraí agus ar chláracha mar Mailchimp, Drupal, X, Instagram, Facebook, YouTube, Photoshop
Tuiscint ar threochtaí reatha agus forbairtí sa chumarsáid, sa chumarsáid dhigiteach agus laistigh den earnáil chultúrdha
Scileanna eagraíochta, riaracháin agus bainistíocht ama, le cumas tosaíocht a thabhairt do thascanna chun spriocdhátaí a bhaint amach, fad a leantar le cruinneas
Scileanna Teicneolaíocht Faisnéise (Microsoft Office) ar ardleibhéal agus taithí roimhe seo ag obair le córais ábhar gréasáin a bhainistiú agus ag forbairt ábhar gréasáin le haghaidh eagraíochtaí cultúrdha
Díocas agus spéis a bheith ag obair ag an Gailearaí agus sa réimse cultúrdha agus fonn cur le timpeallacht dhearfach oibre

Coinníollacha Fostaíochta

Is treoir atá sa sainchuntas poist seo maidir le réimsí leathana freagrachta agus cuntasachta nach cóir a áireamh mar chlár cuimsitheach. I ngeall ar structúir nua agus/nó athruithe ar riachtanais an Ghailearaí, d’fhéadfaí é a athrú. Ní mór do gach fostaí cloí le nósanna imeachta scagthástáil NGI agus grinnfhiosrúchán an Gharda Síochána. Braitheann an post seo ar scrúdú sásúil dochtúra agus tréimhse rathúil promhaidh. Ní mór d’iarrthóirí a bheith líofa sa Bhéarla agus i dteideal obair a dhéanamh in Éirinn.

Riachtanais Saoránachta

Ní mór go mbeadh iarrthóirí cáilithe mar:

Saoránach de Limistéar Eacnamaíochta na hEorpa. Is iad tíortha an Aontais Eorpaigh chomh maith leis an Íoslainn, an Lichtinstéin agus an Iorua, tíortha an LEE; nó
Saoránach den Ríocht Aontaithe (RA) nó
Saoránach den Eilvéis de réir aontú idir an AE agus an Eilvéis ar shaorghluaiseacht daoine: nó
Saoránach neamh-LEE le Ceadú Stampa 4 permission nó Ceadú Stampa 5.

Tabhair faoi deara, led thoil: Glactar gurb ionann Ceadú 50 TEU, a sheasann in ionad Stampa 4EUFAM taréis an Breatimeacht, agus Stampa 4.

Ní mór d’iarrthóirí a bheith incháilithe faoi dháta aon tairiscint ar phost.

Sonraí an Phoist agus Faisnéis ar an Iarratas

Grád agus Tuarastal:

Beidh an tuarastal don phost seo de réir scála pá don Oifigeach Feidhmiúcháin (PPC) i gcomhréir le coigeartú pá a rinneadh ar 1 Meitheamh2026. Íocfar tuarastal don phost seo mar seo a leanas:

€38,803 €40,764 €41,871 €44,030 €45,965 €47,838 €49,703 €51,534 €53,419 €55,296 €57,289 €58,624 €60,527¹ €63,227²

Beidh an tuarastal tosaigh ar an chéad pointe den scála, €38, 803.00 sa bhliain, nó ar phointe níos airde den scála, de réir mar is cuí don iarrthóir rathúil, má cheaptar é/í as ról reatha san earnáil phoiblí (de réir Ciorclán 08/2019).
Ba chóir d’iarrthóirí a thabhairt faoi deara go bhfuil Gailearaí Náisiúnta na hÉireann ag cloí le rialacháin agus le treoirlínte an Roinn Caiteachais Phoiblí Bonneagair Athchóiriúcháin Seirbhíse Poiblí agus Digitiúcháin maidir le pá agus coinníollacha fostaíochta na Seirbhíse Poiblí.

Saoire Bhliantúil: Beidh an t-iarrthóir rathúil i dteideal 23 lá saoire bhliantúil pro rata

Aoisliúntas: Áireofar an t-iarrthóir rathúil i scéim pinsin na hearnála poiblí.

Sochair: Tugann an Gailearaí deis don fhoireann páirt a ghlacadh sna scéimeanna sábháil cáin agus rothaigh chun na hoibre.

Fad: Buan

Uaireanta Oibre: Lánaimseartha, 5 lá sa seachtain – 35 uaire sa seachtain (glan ó sosanna). Tabhair faoi deara, tá solúbthacht riachtanach agus ní mór don iarrthóir obair go luath ar maidin, déanach sa tráthnóna agus ag deireadh seachtaine ó am go ham.

Deánfar aon sonraí pearsanta a chuireann tú ar fáil agus tú i mbun iarratais ar an bpost seo, a phróiseáil de réir ár bhFógra Rúndachta.

Iarratas a dhéanamh: Chun iarratas a dhéanamh, led thoil cuir na cáipéisi seo a leanas ar fáil (Formad PDF):

Litir chlúdaigh i nGaeilge agus i mBéarla, nach mó ná dhá leathanach
CV i nGaeilge agus i mBéarla, nach mó ná dhá leathanach

Tá tuilleadh eolais ar fáil anseo, chomh maith le nasc chuig suíomh gréasáin an chomhlachta earcaíochta, áit ar féidir leat d’iarratas a chur isteach.

Painéal:

Ba chóir d’iarrthóirí a thabhairt faoi deara gur féidir go gcuirfear painéal ar bun de iarrthóirí rathúla ag deireadh an phróisis measúnachta iarrthóirí bunaithe ar ord fiúntais. as ar féidir poist a líonadh amach anseo.

Dáta deiridh le hiarratais a fháil: 29 Meitheamh 2026

Socrófar agallaimh i Lúil 2026.

Ag Gailearaí Náisiúnta na hÉireann, tá meas againn ar chothromas, éagsúlacht agus chuimsiú. Aithnímid na buntáistí a leanann don caidreamh idir ár bhfoireann agus ár gcuairteoirí. Déanaimid ceiliúradh ar an difríocht agus ba mhaith linn go mbeadh ár bhfoireann ionadaíoch de gach pobal. Má tá cóiríocht réasúnta uait le haghaidh aon chuid den próisias iarratais, ná bíodh drogall ort led thoil teagmháil a dhéanamh linn.

Is fostóir comhdheiseanna é Gailearaí Náisiúnta na hÉireann

Oifigeach Turasóireachta/Fáilteoir

Scríofa ag Alex Hijmans ar 8 Meitheamh 2026.

A bheith ar an chéad phointe teagmhála ag cuairteoirí ar an Chultúrlann. An Ghaeilge agus an cultúr Gaelach a chur chun cinn le cuairteoirí. An Turasóireachta sa Chultúrlann a chur chun cinn.

An Fáiltiú

A chinntiú go bhfuil tú ar an eolas faoi na himeachtaí agus gníomhaíochtaí uile atá ag titim amach sa Chultúrlann.

Fáilte isteach san fhoirgneamh a chur roimh chuairteoirí, chustaiméirí agus lucht féachana ar dhóigh chairdiúil, ghairmiúil, agus beannú i gcónaí do chuairteoirí i nGaeilge sa chéad dul síos.
Ceisteanna ginearálta a fhreagairt ar an ghuthán agus trí ríomhphost.
Glaonna a aistriú chuig an oifig cheart.
A gcuid poist a thabhairt do na gnólachta éagsúla atá lonnaithe sa Chultúrlann.
A chinntiú go bhfuil ábhar poiblíochta na Cultúrlainne le feiceáil agus nuashonraithe. (Clár na Cultúrlainne)
A chinntiú go bhfuil comharthaí á dtaispeáint ar dhóigh fhóirsteanach, comharthaí a bhaineann le himeachtaí an lae sin san áireamh.
Turas thart ar an fhoirgnimh a thabhairt do grúpaí atá ar a lorg.
A bheith i gceannas ar Mharsantas na Cultúrlainne a eagrú agus a dhíol
Díol saothar ealaíne atá ar taispeáint sna dánlanna a éascú.
Teagmháil a dhéanamh leis an Riarthóir Foirgnimh maidir le grúpaí seachtracha ag baint úsáide as seomraí sa Chultúrlann – fáilte a chur roimpu agus iad a thabhairt chuig an tseomra

An Turasóireacht

Teagmháil a dhéanamh le gníomhaireachtaí/eagraíochtaí turasóireachta leis an Chultúrlann a chur chun cinn (Fáilte Feirste Thiar/Visit Belfast)
Le bheith ag plé leis an Stiúthóir leis na heispéiris turasóireachta sa Chultúrlann a chur chun cinn: Eispéireas na Gaeltachta srl.
Teagmháil ghníomhach a dhéanamh le hoibreoirí/soláthráithe turasóireachta maidir ke turasóirí a thabhairt isteach sa Chultúrlann
Le hionadaíocht a dhéanamh ar an Chultúrlann ar fhóraim turasóireachta i mBéal Feirste Thiar agus sa chathair i gcoitinne
Earraí turasóireachta ‘a bhíonn de shíor ar fáil’ a fhorbairt sa Chultúrlann
Coirnéal an Cheoil a fhorbairt (Ceoltóirí sa Bhialann)
Le bheith mar ambassadóir don Cheathrú Ghaeltachta agus pobal Iarthar Bhéal Feirste agus an ceantar a chur chun cinn mar cheann scríbe fáiltiúil, beo agus tábhachtach ó thaobh an chultúir de
Caidrimh dhearfacha a chothú le cuairteoirí, gnólachtaí áitiúla, eagraíochtaí pobail agus páirtithe leasmhara turasóireachta le próifíl na Ceathrún Gaeltachta
Eispéireas dearfach do chuairteoirí a chruthú lena spreagtar turasóirí le theacht ar ais, rannpháirtíocht leis an phobal, agus promóisean dearfach ó bhéal
Le caidrimh a fhorbairt leis na ceantair Ghaeltachta – teagmhálacha a fhorbairt leis na pobail agus eagraíochtaí Gaeilge fud fad na tíre lena mealladh chuig an Chultúrlann

Is í Roinn an Phobail a mhaoiníonn an post.

Cur síos iomlán poist ar fáil ar ár gcuntais meán sóisialta.

Iarrtar ar iarrthóirí Litir Chlúdaigh agus CV a sheoladh chuig stiurthoir@culturlann.ie tráth nach déanaí ná 12pm ar an 22 Meitheamh 2026.

Oifigeach Oideachais

Scríofa ag Sadhbh Ní Mhéalóid ar 4 Meitheamh 2026.

Ba mhaith leis an IHREC iarrthóirí líofa sa Ghaeilge a spreagadh chun iarratas a dhéanamh ar an bpost seo.

Oifigeach Oideachais

Coimisiún na hÉireann um Chearta an Duine agus Comhionannas
Tá an IHREC ag earcú Oifigeach Oideachais (Ard-Oifigeach Feidhmiúcháin) faoi láthair. Is post lánaimseartha buan é seo.

Conas Iarratas a Dhéanamh

Foirm Iarratais:

Chun iarratas a dhéanamh ar an ról seo, comhlánaigh le do thoil foirm iarratais atá ar fáil ag an nasc seo: https://osborne.ie/public-sector/ihrec-employment-opportunities

Ní mór do iarrthóirí an fhoirm iarratais chuí, sínithe agus comhlánaithe a chur isteach, ag míniú cén fáth ar mhaith leat a bheith san áireamh don phost agus conas a chomhlíonann do scileanna agus taithí riachtanais an phoist. Ba chóir iarratais chomhlánaithe a sheoladh ar ríomhphost chuig ihrec@osborne.ie

Ní cheadaítear ach iarratas amháin in aghaidh an duine.

Spriocdháta

Spriocdháta d’iarratais: Tabhair faoi deara gurb é Dé Céadaoin, 24 Meitheamh 2026, 1 i.n. an t-am deiridh chun iarratais a fháil. Ní ghlacfar le hiarratais neamhiomlána, iarratais phoist nó CVanna. Ní bhreithneofar aon iarratais a fhaightear tar éis an spriocdháta agus an ama sin.

Deimhniú iarratais: Eiseofar ríomhphost deimhnithe do gach iarratas a fhaightear. Mura bhfaigheann tú deimhniú laistigh de dhá lá oibre tar éis duit iarratas a chur isteach, déan teagmháil le do thoil le Osborne Recruitment ag ihrec@osborne.ie chun a chinntiú go bhfuarthas d’iarratas.

Níor cheart aon fhiosrúcháin ná iarrachtaí tionchair a dhéanamh go díreach leis an IHREC.

Ní ghlacfar ach le hiarratais iomlána a chuirtear isteach roimh an spriocdháta sa chomórtas seo.

Anailísí Sonraí – Léargas Lucht Féachana

Scríofa ag Sadhbh Ní Mhéalóid ar 2 Meitheamh 2026.

Cuirfear fáilte roimh iarratais ar an bpost Anailísí Sonraí. Tá TG4 ag lorg duine atá oillte san Eolaíocht Sonraí a chuideoidh chun foinsí eolais a scagadh agus a léiriú go físiúil. Cuideoidh an té a cheapfar le heolas ar an lucht féachana a bhailiú ar na hardáin go léir agus é a léiriú ar bhealach físiúil a thacóidh le cinntí coimisiúnaithe, eagarthóireachta agus foilsithe TG4.

Tuilleadh anseo

4pm Dé hAoine an 19 Meitheamh 2026 an dáta deiridh a nglacfar le hiarratais. Seol d’iarratas mar aon le litir iarratais chuig cv@tg4.ie

Eagarthóir Ilardáin TG4

Scríofa ag Sadhbh Ní Mhéalóid ar 2 Meitheamh 2026.

Is mian le TG4 Eagarthóir Ilardáin a cheapadh ar chonradh buan. Tá TG4 ag díriú ar an lucht féachana a fhás ar na hArdáin Dhigiteacha go léir. Ag freagairt don Stiúrthóir Lucht Féachana, Margaíochta agus Comhpháirtíochta, beidh an tEagarthóir Ilardáin i bhfeighil stiúir agus treoir eagarthóireachta agus straitéise a chur i bhfeidhm d’ardáin éagsúla TG4.

Tuilleadh anseo

Beidh an tuarastal de réir cháilíochtaí agus thaithí an té a roghnófar.

Seol litir iarratais ina léirítear an taithí atá agat agus an cur chuige eagarthóireachta a bheadh agat don phost Eagarthóir Ilardáin chuig cv@tg4.ie roimh 4pm Dé hAoine an 19 Meitheamh 2026.

Earcaitheoir le Gaeilge (Páirtaimseartha)

Scríofa ag Sadhbh Ní Mhéalóid ar 2 Meitheamh 2026.

Maidir Linne

Is muid Kids Inc. Cuirimid seirbhísí Cúraim Luathbhlianta agus Cúraim Tar Éis Scoile ar fáil. Le breis agus 25 bliain de thaithí i dtionscal an chúraim leanaí, táimid ar cheann de na soláthraithe cúraim leanaí is bunaithe in Éirinn, agus muid ag feidhmiú ar fud na tíre. Is é an sprioc atá againn ná foghlaim laethúil na bpáistí a leathnú trí raon leathan spóirt agus gníomhaíochtaí cruthaitheacha, chomh maith le polasaí docht ‘Gan Am Scáileáin’. Chomh maith le 4 Naíonra agus seirbhís Réamhscoile i mBaile Átha Cliath, reáchtálann Kids Inc breis agus 60 clár Club Bricfeasta agus Cúraim Tar Éis Scoile ar an láthair i scoileanna ar fud na tíre.

Maidir leis an Ról

Táimid ag lorg Earcaitheoir le Gaeilge faoi láthair chun tacú le hearcaíocht dár nGaelscoileanna ar fud na hÉireann. Is ról páirtaimseartha é seo (20 uair in aghaidh na seachtaine) atá oiriúnach do dhuine a bhfuil paisean acu do dhaoine, atá thar a bheith eagraithe, agus a bhfuil líofacht sa Ghaeilge acu. Bheadh taithí earcaíochta roimhe seo inmhianaithe ach níl sé riachtanach, mar cuirfear oiliúint iomlán ar fáil. Oibreoidh tú go dlúth le bainisteoirí earcaíochta chun iarrthóirí d’ardchaighdeán a mhealladh agus a fhostú dár scoileanna agus dár gcláir lán-Ghaeilge, agus ag an am céanna ag cinntiú go mbeidh taithí dhaonnúil, dhearfach ag iarrthóirí le linn an phróisis earcaíochta ar fad.

Príomhfhreagrachtaí

Tacú le hearcaíocht ar fud ár nGaelscoileanna.
Folúntais a fhógairt ar ardáin éagsúla.
Scagadh a dhéanamh ar iarratais agus agallaimh a chomhordú.
Cumarsáid a dhéanamh le hiarrthóirí le linn an phróisis fhostaithe.
Taifid chruinn ar iarrthóirí a choinneáil ar chórais inmheánacha.
Cabhrú le doiciméadú ionduchtaithe agus comhlíonta.
Caidreamh láidir a thógáil le bainisteoirí earcaíochta agus le hiarrthóirí.
Tacú le gnáthdhualgais riaracháin earcaíochta.

Cad atá ar fáil duitse?

Clár Cúnaimh Oideachais.
Deiseanna um Fhorbairt Gairme.
An Scéim Rothar chun na hOibre agus Scéim Taistil TaxSaver.
Clár Folláine Foirne le haghaidh Tacaíocht Mheabhrach agus Airgeadais.
23 Lá Saoire Bliantúla + 10 Lá Saoire Poiblí (pro rata).
Lascaine Foirne ar Chostais Chúraim Leanaí.
Múnla Oibre Hibrideach (tar éis an tréimhse phromhaidh a chríochnú).

Próifíl an Iarrthóra

Tá líofacht sa Ghaeilge riachtanach.
Bheadh taithí roimhe seo in earcaíocht, riarachán, seirbhís do chustaiméirí, nó Acmhainní Daonna (HR) inmhianaithe.
Scileanna láidre cumarsáide agus idirphearsanta.
Duine atá thar a bheith eagraithe agus a thugann aird mhaith ar mhionsonraí.
Cur chuige cairdiúil, gníomhach agus gairmiúil.
Compordach ag obair i dtimpeallacht ghasta.
Paisean i leith tacú le scoileanna agus le seirbhísí cúraim leanaí.

Tabhair faoi deara: Beidh ar gach iarrthóir rathúil Grinnfhiosrúchán an Gharda Síochána a chomhlánú agus Teastas Póilíneachta bailí a sholáthar (baineann sé seo le hiarrthóirí a mhair lasmuigh d’Éirinn ar feadh níos mó ná 6 mhí ó shroich siad 18 mbliana d’aois).

Tuilleadh eolais agus foirm chlárúchán anseo

Ollamh Cúnta le Gaeilge

Scríofa ag Sadhbh Ní Mhéalóid ar 28 Bealtaine 2026.

Má tá gairm acadúil i scoil spreagúil agus chomhaontaithe, a chuireann obair ar shárchaighdeán ar fáil i gcúrsaí taighde, teagaisc agus tionchar sóisialta, á lorg agat, d’fhéadfadh an post mar Ollamh Cúnta le Gaeilge, i Scoil na Gaeilge, an Béarla, agus na Cumarsáide a bheith díreach oiriúnach duit. Cuirfidh an duine le cultúr taighde agus le foilseacháin acadúla Léann na Gaeilge agus le cultúr taighde na Scoile agus na Dáimhe i gcoitinne, ag leibhéal sárchaighdeáin.

Beidh fuinneamh agus uaillmhian acu maoiniú seachtrach taighde a lorg ag leibhéal náisiúnta agus idirnáisiúnta. Beifear ag súil go nglacfaidh an duine a cheapfar páirt ghníomhach i bhforbairt, i dteagasc agus i riaradh na gcúrsaí fochéime agus iarchéime i Léann na Gaeilge.

Beifear ag súil leis go mbeidh uaillmhian acu mic léinn PhD a earcú agus a stiúradh i Léann na Gaeilge, agus go mbeidh straitéis chomhtháite taighde acu don am atá le teacht, dírithe ar a ngort féin laistigh de léann na Gaeilge agus ar chur chun cinn an disciplín trí chéile mar chuid de straitéis taighde na Scoile agus na Dáimhe.

Tuilleadh anseo

Bainisteoir Comhar Caomhán Teo Inis Oirr

Scríofa ag Alex Hijmans ar 28 Bealtaine 2026.

Riachtanais agus Dualgais an Phoist

Plean forbartha a chur i bhfeidhm agus forbairtí úra ar an oileán a thabhairt chun foirfeachta;
Plé le rannóga agus eagraíochtaí stáit;
Feidhmiú go laethúil trí mheán na Gaeilge;
Gníomhaíochtaí agus forbairtí pobail a spreagadh agus a chothú;
Tacaíocht a thabhairt d’imeachtaí forbartha agus cultúrtha a bhíonn á bpleanáil nó á reáchtáil ag coistí agus eagraíochtaí pobail;
Cabhrú le cur chun cinn na Gaeilge agus feidhmiú an phlean teanga ar an oileán – beidh réimse na pleanála teanga agus feidhmiú Plean 20 Bliain don Ghaeilge lárnach in obair an Chomharchumainn;
Ábalta taisteal go dtí an mhórthír le haghaidh cruinnithe rialta;
Ceadúnas glan tiomána agus fáil ar charr ar an mórthír;
Ardchaighdeán Gaeilge idir scríofa agus labhartha;
Cáilíochtaí tríú leibhéal le taithí ar chórais riaracháin agus airgeadais;
Scileanna maithe bainistíochta, cumarsáide agus idirphearsanta;
Taithí mhaith ar fhorbairt pobail;
Scileanna maithe ríomhaireachta, na meáin shóisialta san áireamh;
Cumas oibriú as a stuaim féin;
Bainistiú scéimeanna.

Déan teagmháil le bainisteoir@discoverinisoirr.com

Tuilleadh eolais agus foirm iarratais anseo

Ceannaire Club Óige Setanta

Scríofa ag Alex Hijmans ar 20 Bealtaine 2026.

Tá muid ag lorg duine fuinniúil chun ról an Cheannaire a ghlacadh. Beidh cúlra láidir san obair óige ag an iarrthóir idéalach, agus taithí le foirne a threorú agus a spreagadh. Ba cheart dóibh a bheith paiseanta faoi fhorbairt dhearfach óige a chothú agus timpeallacht thacúil a chruthú le go mbeidh rath ar dhaoine óga.

Beidh ról lárnach ag an duine seo i gcur i bhfeidhm príomhphróisis agus polasaithe chun struchtúr agus eagraíocht a thabhairt don chlub, ag cinntiú go n-oibríonn sé go héifeachtúil agus go héifeachtach. Tá scileanna láidre ceannaireachta, sárchumas cumarsáide, agus fíorthiomantas do chur chun cinn na Gaeilge agus an chultúir ina gcáilíochtaí riachtanacha atá á lorg againn inár n-iarrthóir idéalach.

Iarrtar ar dhaoine ar spéis leo cur isteach ar an phost seo rphost a chur chuig Jack Mac Íomhair le litir chumhdaigh ag díriú isteach ar na critéir thuas luaite, ar aon le CV: jack@culturlann.org

Spriocdháta: 10 Meitheamh 2026, 12in
Tá an ról seo maoinithe ag an Údaras Oideachais.

Tuilleadh eolais anseo: https://lnkd.in/eMkfhXYq

Comhordaitheoir Tionscadail x 2, Foraois

Scríofa ag Fionnuala Ní Uallacháin ar 7 Bealtaine 2026.

Samhlaigh domhan ina leanann gach dalta a bhfuil Gaeilge líofa acu ag labhairt a dteanga mar theanga pobail dá shaol ar fad? Má lasann an fhís seo splanc ionat, tar ag obair linn mar Chomhordaitheoir Tionscadail le Foraois

Is scéim nua í Foraois atá á forbartha ag Conradh na Gaeilge i gcomhar le Gaeilge365, Comhairle Cathrach Bhaile Átha Cliath agus leis an Roinn Oideachais & Óige. Díríonn Foraois ar ghaelphobail a fhorbairt timpeall ar Ghaelscoileanna, ag cinntiú go bhfuil rogha clár agus cumann trí Ghaeilge ar fáil do pháistí lasmuigh de gheataí na scoile ina bpobail féin.

Is deis iontach í seo bheith páirteach i gceann de na scéimeanna is spleodraí atá tagtha chun cinn le tamall de bhlianta. Teastaíonn duine uainn le huaillmhian ina gcroí, duine a bhfuil fonn air samhail a chruthú is féidir a leathnú mórthimpeall na tíre.

Beidh beirt le fostú mar Chomhordaitheoir Tionscadail i gceantracha éagsúla i mBaile Átha Cliath, agus iad beirt ag plé le cnuasaigh Gaelscoileanna agus Gaelcholáistí sa cheantar sin.
Beidh an té a cheapfar fostaithe ag Conradh na Gaeilge, díreoidh siad ar fhás agus ar fhorbairt ‘Foraois’ sa líonra scoileanna.

Cur síos ar an bpost

Faoi stiúir Chlárbhainisteoir Fhoraois, beidh sé de dhualgas ar na Comhordaitheoirí Tionscadail na dualgais seo a leanas a chomhlíonadh:

Tionscadail phobail agus óige trí mheán na Gaeilge a phleanáil, a chomhordú agus a chur i bhfeidhm.
Comhpháirtíochtaí a fhorbairt agus a chothú idir Gaelscoileanna, Gaelcholáistí, tuismitheoirí, eagraíochtaí pobail agus seirbhísí áitiúla.
Tacú le forbairt cumainn, clár agus tograí a spreagann úsáid laethúil agus fadsaoil na Gaeilge sa phobal.
Cuairteanna rialta a shocrú ar na scoileanna,lena ndaltaí, lena múinteoirí agus lena dtuismitheoirí a spreagadh le páirt a ghlacadh sna tionscadail agus sna cumainn atá beartaithe sa cheantar.
Taighde a dhéanamh ar bhearnaí seirbhíse agus ar riachtanais teanga sa phobal áitiúil.
Scéimeanna nuálacha (e.g. spórt, ealaíon, fostaíocht) a fhorbairt atá dírithe ar úsáid na Gaeilge lasmuigh den seomra ranga.
Cláir agus cumainn a chomhordú sa phobal agus eolas a scaipeadh i measc an phobail trí chainéil éagsúla cumarsáide.
Monatóireacht agus measúnú a dhéanamh ar thionchar an tionscadail ar úsáid na Gaeilge sa phobal.
Ionadaíocht a dhéanamh thar ceann an tionscadail ag cruinnithe, ag ócáidí agus ag fóraim pobail.

Cur síos ar na hiarrthóirí a ceapfar

Céim ábhartha nó taithí cuí (m.sh. Oideachas, Obair Phobail, Gaeilge, Forbairt Óige, Bainistíocht Tionscadal, Gnó).
Taithí ag plé le tionscadal pobal agus óige
Ardchaighdeán Gaeilge agus Béarla idir scríofa agus labhartha
Cumas iltascanna a bhainistiú agus tosaíochtaí a leagan amach go héifeachtach.
Tuiscint dhomhain ar an nGaeilge mar theanga pobail agus taithí ag obair le pobail Ghaeilge..
Inniúlacht i gcórais TF ábhartha (m.sh. Word, Excel, CRM, ríomhphost, meáin shóisialta).
B’fhearr go mbeadh ceadúnas tiomána iomlán agus teacht ar charr ag an té a cheapfar

Scála Tuarastail:

Oifigeach Feidhmiúcháin, Ciorcalán 07/2026 – €38,419 – €62,601. Chomh maith leis sin íocfar 5% den tuarastal mar sholáthar pinsin ach a chomhionann a bheith á íoc ag an bhfostaí tar éis dóibh an tréimhse promhaidh a bhaint amach.

Faoi Chonradh na Gaeilge

Tá clú agus cáil ar Chonradh na Gaeilge mar eagras deonach atá tiomnaithe do chur chun cinn na Gaeilge ar fud na cruinne. Bunaithe ag Dubhghlas de hÍde, Eoin Mac Néill agus eile in 1893, tá an eagraíocht ar thús cadhnaíochta in athbheochan úsáid na teanga agus ag múscailt spéis sa Ghaeilge agus sa chultúr Gaelach ó shin i leith.

Spriocdháta:

Is gá CV agus litir chumhdaigh a chur chuig post@cnag.ie faoin 8 Meitheamh 2026 ag 11:00.

Eolas eile:

Tá an ról seo fostaithe ag Conradh na Gaeilge i gcomhar le Comhairle Cathrach Bhaile Átha Cliath agus leis an Roinn Oideachais
Beidh na hagallaimh don phost seo ar siúl Dé Céadaoin 17 Meitheamh 2026 thar Zoom
Beidh an post seo lonnaithe i mBaile Átha Cliath