Job Category: Earnáil Phríobháideach

Bí páirteach le Kids Inc.

Scríofa ag Sadhbh Ní Mhéalóid ar 14 Iúil 2026.

€18 san uair | Páirtaimseartha | Conradh Téarma Scoile
Dáta Tosaithe: 26 Lúnasa 2026 (Scoilbhliain 2026/2027)

Íosmhéid ráthaithe de 10 n-uaire sa tseachtain, le huaireanta breise ar fáil de ghnáth (20–25 uair sa tseachtain).

Bí páirteach le Kids Inc.

Bí páirteach le Kids Inc. agus cuidigh le páistí a bheith ag foghlaim, ag forbairt agus ag baint taitnimh as deireadh an lae scoile i dtimpeallacht shábháilte, spraíúil agus thacúil.

Le breis agus 25 bliain de thaithí sa chúram leanaí, tá Kids Inc. ar cheann de na príomhsholáthraithe seirbhísí Luathbhlianta agus Cúraim Iarscoile in Éirinn.

Reáchtálaimid breis agus 70 clár Bricfeasta agus Iarscoile ar shuíomhanna scoile ar fud na tíre, chomh maith lenár seirbhísí Naíonra agus Réamhscoile.

Táimid ag earcú Cúntóirí Cúraim Leanaí Iarscoile le Gaeilge líofa chun bheith páirteach inár bhfoireann i roinnt Gaelscoileanna i mBaile Átha Cliath agus i Maigh Nuad don scoilbhliain 2026/2027.

Deiseanna Reatha

Táimid ag earcú do na Gaelscoileanna seo a leanas:

Gaelscoil Ghráinne Mhaol – Domhnach Míde, Baile Átha Cliath 13
Gaelscoil Laighean – Gabhal an Ghabhair (Goatstown), Baile Átha Cliath 14
Gaelscoil Shliabh Rua – Baile Ghobáin (Ballyogan), Baile Átha Cliath 18
Gaelscoil Eoin – Baile Átha Cliath 4 (Lár na Cathrach)
Gaelscoil Ruairí – Maigh Nuad, Co. Chill Dara

Maidir leis an Ról

Cuireann ár gclár Iarscoile timpeallacht shábháilte, fháilteach agus tharraingteach ar fáil ina bhféadann páistí scíth a ligean, a gcuid obair bhaile a dhéanamh agus páirt a ghlacadh i réimse leathan gníomhaíochtaí spraíúla agus forbartha ag deireadh an
lae scoile.

Mar Chúntóir Cúraim Leanaí Iarscoile, beidh ról lárnach agat i gcruthú timpeallachta lán-Ghaeilge, ag tacú le forbairt páistí trí shúgradh, cruthaitheacht, foghlaim agus idirghníomhú sóisialta.

Cad a bheidh á dhéanamh agat

Cabhrú le páistí socrú isteach tar éis na scoile agus tacú le haistriú dearfach isteach sa chlár tráthnóna.
Tacú le páistí lena gcuid obair bhaile i dtimpeallacht shocair agus struchtúrtha.
Gníomhaíochtaí a eagrú agus páirt a ghlacadh iontu, lena n-áirítear spórt, cluichí, ealaíona agus ceardaíocht, súgradh samhlaíoch agus súgradh lasmuigh.
Forbairt shóisialta, mhothúchánach, fhisiciúil agus chruthaitheach páistí a spreagadh.
Caidrimh dhearfacha a chothú le páistí, teaghlaigh agus comhghleacaithe.
Cabhrú le reáchtáil laethúil na seirbhíse.
Timpeallacht shábháilte, chuimsitheach agus spreagúil a chothabháil do gach páiste.

An Duine atá á Lorg Againn

Taithí roimhe seo ag obair le páistí (inmhianaithe).
Dearcadh dearfach, iontaofa agus díograiseach.
Scileanna cumarsáide agus idirphearsanta den scoth.
Spéis dhílis in obair le páistí agus i dtacú lena bhforbairt.
Gaeilge líofa agus an cumas cumarsáid laethúil a dhéanamh go muiníneach
le páistí, le tuismitheoirí agus le comhghleacaithe trí Ghaeilge.
Ceadúnas tiomána iomlán (buntáiste é seo, ach níl sé riachtanach).
Toilteanas Grinnfhiosrúchán an Gharda Síochána agus seiceálacha tagartha
a chomhlánú.

Cad atá á Thairiscint Againn

€18 san uair.
Íosmhéid ráthaithe de 10 n-uaire sa tseachtain, le huaireanta breise ar fáil de
ghnáth (20–25 uair sa tseachtain).
Oiliúint dheimhnithe íoctha intí.
Deiseanna forbartha gairme laistigh d'eagraíocht náisiúnta.
Tacaíocht leanúnach ó bhainisteoirí a bhfuil taithí acu agus ó speisialtóirí i bhforbairt leanaí.
Clár atreoraithe fostaithe.
Scéim Rothar chun na hOibre.
An deis tionchar dearfach a imirt ar shaol páistí gach lá trí Ghaeilge.

Déan Iarratas Inniu

Má bhaineann tú taitneamh as obair le páistí agus más mian leat bheith mar chuid d’fhoireann fuinniúil agus thacúil, ba bhreá linn cloisteáil uait!

Clúdaíonn an fógra seo roinnt folúntas i nGaelscoileanna éagsúla. Chun na folúntais aonair a fheiceáil agus iarratas a dhéanamh ar an scoil is fearr leat, tabhair cuairt ar ár leathanach gairmeacha:
https://kidsinc.ie/careers/

Tá fógra poist ar leith do gach suíomh, áit a bhfaighidh tú tuilleadh eolais faoin ról agus faoin scoil. Is féidir leat iarratas a dhéanamh ar an suíomh is fearr a oireann duit, nó ar níos mó ná suíomh amháin más mian leat.

Beidh ar gach iarrthóir rathúil Grinnfhiosrúchán an Gharda Síochána a chomhlánú agus Teastas Imréitigh Póilíní bailí a chur ar fáil nuair is infheidhme (d’aon duine a raibh cónaí air/uirthi lasmuigh d’Éirinn ar feadh níos mó ná sé mhí ó bhí sé/sí 18 mbliana d’aois).

Cúntóir Taighde

Scríofa ag Alex Hijmans ar 10 Iúil 2026.

Cuirtear fáilte roimh iarratais ó iarrthóirí a bhfuil na cáilíochtaí cuí acu don ról seo.

Ionad taighde Gaois, Fiontar & Scoil na Gaeilge
Tréimhse an chonartha: Conradh ar Théarma Seasta suas le 2 bhliain

Is deis iontach é seo a bheith páirteach i sraith tionscadal taighde a bhfuil sé de sprioc acu acmhainní digiteacha den chéad scoth a fhorbairt do lucht labhartha na Gaeilge. Beidh an té a cheapfar ina bhall de mheitheal idirdhisciplíneach a phléann le gnéithe den téarmeolaíocht, den teangeolaíocht chorpais, den logainmníocht, den bheathaisnéisíocht agus den bhéaloideas, i measc réimsí eile. Oibreoidh an cúntóir taighde go dlúth le baill foirne Gaois agus lena chuid páirtnéirí taighde chun spriocanna na dtionscadal atá á reáchtáil acu a bhaint amach. Beidh an
cúntóir taighde freagrach do Phríomh-Imscrúdaitheoirí na dtionscadal éagsúil agus do Cheann Scoile Fiontar & Scoil na Gaeilge. Beidh deiseanna taighde PhD ann don té a mbeadh an cumas agus an spéis aige/aici chuige sin.

Tuilleadh eolais: https://www.dcu.ie/people/jobs

Múinteoirí agus Ceartaitheoirí

Scríofa ag Sadhbh Ní Mhéalóid ar 9 Iúil 2026.

Múinteoirí agus ceartaitheoirí á lorg ag Gaelchultúr

Reáchtálaimid cúrsaí ar bhonn leanúnach agus freastalaíonn siad ar fhoghlaimeoirí ag gach leibhéal cumais, idir ghlantosaitheoirí, dhaoine a bhfuil roinnt Gaeilge acu agus chainteoirí líofa. Bíonn múnlaí éagsúla i gceist i gcás ár gcuid cúrsaí, e.g. dianchúrsaí lae, cúrsaí 20 seachtain, ranganna oíche agus ranganna ag an deireadh seachtaine. Déantar an chuid is mó den teagasc beo ar líne ach bíonn cúrsaí sa seomra ranga i gceist go minic freisin.

Tá painéal páirtaimseartha múinteoirí agus ceartaitheoirí ag Gaelchultúr agus bímid ag féachaint i gcónaí le cur leis an bpainéal sin. Más spéis leatsa a bheith ag múineadh agus/nó ag ceartú linn, seol do CV chuig poist@gaelchultur.com. Má thagann aon obair mhúinteoireachta/cheartúcháin chun cinn a mheasaimid a bheadh oiriúnach duit, rachaimid i dteagmháil leat chun agallamh a shocrú.

Tuilleadh eolais

Oibrithe Óige in Inis Meáin agus Inis Oírr

Scríofa ag Sadhbh Ní Mhéalóid ar 8 Iúil 2026.

Spriocdháta 24ú Iúil 2026

Tuilleadh eolais, seol ríomhphost rebecca.nicdhonnacha@muintearas.com nó 091-379141

Oibrí Luathbhlianta i Naíolann na nOileán

Scríofa ag Sadhbh Ní Mhéalóid ar 8 Iúil 2026.

Spriocdháta 23ú Iúil 2026

Tuilleadh eolais, seol ríomhphost naiolann@muintearas.com nó 091 551599 nó 091-379141

Oifigeach Acmhainní agus Tacaíochta Foghlama

Scríofa ag Sadhbh Ní Mhéalóid ar 7 Iúil 2026.

Tá post lánaimseartha mar Oifigeach Acmhainní agus Tacaíochta Foghlama ar fáil i gColáiste na hÉireann/Gaelchultúr. Conradh buan atá i gceist agus beidh an té a cheapfar in ann a bheith ag obair ó chian nó in oifigí an choláiste.

Tá duine ildánach, críochnúil agus féinspreagtha, a bhfuil scileanna láidre cumarsáide acu, á lorg againn dár bhfoireann acadúil. Beidh an té a cheapfar freagrach as acmhainní teagaisc agus foghlama ardchaighdeáin d’fhoghlaimeoirí fásta a chur in eagar agus a fhorbairt, chomh maith le comhairle agus treoir acadúil a chur ar fáil d’fhoghlaimeoirí, agus deiseanna oiliúna a chur ar fáil agus a fhorbairt do mhúinteoirí agus do cheartaitheoirí ar bhonn rialta. Mar chuid den ról freisin, beidh monatóireacht leanúnach le déanamh ar aiseolas ó fhoghlaimeoirí agus ó mhúinteoirí, léamh profaí agus eagarthóireacht le déanamh ar ábhar don suíomh gréasáin agus do na meáin shóisialta, agus ranganna le teagasc ó am go chéile.

Bheadh an ról seo oiriúnach do dhuine a bhfuil ardchaighdeán Gaeilge acu, idir scríofa agus labhartha, agus a bhfuil taithí acu ar mhúineadh na Gaeilge (nó teanga eile) do dhaoine fásta agus ar an bhfoghlaim ar líne. Ní mór tuiscint ar an bhFráma Tagartha Comónta Eorpach do Theangacha (CEFR) agus ardscileanna ríomhaireachta a bheith ag an duine freisin.

Tuarastal de réir taithí agus cáilíochtaí; gnáthuaireanta oibre. Cuirfear deiseanna oiliúna ar fáil don té a cheapfar.

Tá achoimre le fáil thíos ar na príomhdhualgais a bhaineann leis an ról agus ar na cáilíochtaí agus taithí a bheadh ag an iarrthóir oiriúnach.

Dualgais

Acmhainní teagaisc agus foghlama a chur le chéile
Eagarthóireacht ar acmhainní teagaisc agus foghlama
Comhairle agus treoir acadúil a chur ar fáil d’fhoghlaimeoirí
Oiliúint agus comhairle a chur ar fáil do mhúinteoirí agus ceartaitheoirí
Monatóireacht agus athbhreithniú ar aiseolas ó fhoghlaimeoirí agus ó mhúinteoirí
Eagarthóireacht agus léamh profaí ar ábhar don suíomh agus do na meáin shóisialta
Cúrsaí Gaeilge a theagasc d’fhoghlaimeoirí ag leibhéil éagsúla chumais (ó am go chéile)

Cáilíochtaí agus Taithí Riachtanach

Máistreacht sa Ghaeilge nó a comhionann (Leibhéal 9 den Chreat Náisiúnta Cáilíochtaí)
Taithí ar mhúineadh na Gaeilge (nó teanga eile) do dhaoine fásta
Taithí ar an bhfoghlaim ar líne agus ar an ríomhfhoghlaim
Taithí ar thacaíocht a chur ar fáil d’fhoghlaimeoirí
Caighdeán ard Gaeilge, idir labhartha agus scríofa
Tuiscint ar an bhFráma Tagartha Comónta Eorpach do Theangacha (CEFR)
Ardscileanna ríomhaireachta, go háirithe formáidiú ábhar agus ábhar foghlama a dhearadh

Cáilíochtaí / Taithí / Scileanna Inmhianaithe

Cáilíocht teagaisc (e.g., bunchéim, iarchéim, TEFL)
Taithí ar shiollabais agus pleananna ceachta a fhorbairt
Cur amach ar theicneolaíochtaí foghlama
Taithí ar ábhar a chur agus a nuashonrú ar shuíomhanna gréasáin nó ar ardáin ríomhfhoghlama
Taithí eagarthóireachta / profléitheoireachta
Taithí ar obair aistriúcháin

Ní mór d’iarrthóirí CV, mar aon le litir iarratais, a sheoladh chuig: poist@gaelchultur.com

Spriocdháta d’iarratais: 5pm, Dé Luain, 27 Iúil 2026

Tá tuilleadh eolais ar fáil ach ríomhphost a sheoladh chuig: poist@gaelchultur.com

Post: Forbróir córais Intleacht Shaorga & Innealtóir Bogearraí le toilteannas obair trí Ghaeilge, SúilSiar Teoranta

Scríofa ag Alex Hijmans ar 6 Iúil 2026.

Eolas ar SúilSiar agus ar ár bhfís

Is comhlacht teicneolaíochta oideachais é SúilSiar atá tiomanta chun soláthar suntasach a dhéanamh ar oideachas a chuirtear ar scoláirí trí theangacha mionlaigh i suíomhanna tumoideachais nó dhátheangacha. Tá os cionn 5,000 síntiúsóir ag SúilSiar agus tá conradh ilbhliantúil buaite againn rud a chinntíonn go bhfuil bunús láidir gnó lenár mbunardán múinteoireachta agus foghlama lán-Ghaeilge. Tugann an bunús seo deis dúinn fás agus táimid á dhéanamh seo chun cur le líon na gcustaiméirí atá againn inár margadh mar atá agus chun forbairt a dhéanamh i margaí nua.

Tá scoileanna tumoideachais iar-bhunleibhéil meán-Ghaeilge ar an gcéad margadh ina bhfuilimid ag cruthú an fhiúntais atá lenár dtogra agus ag dearadh réitigh nua teicneolaíochta ar fhadhbanna na hearnála. Tá sé mar sprioc againn an fhianaise seo atá againn a chur ag obair agus forbairt á dhéanamh againn chun tacaíocht a thabhairt do mhúineadh agus do fhoghlaim trasna ar theangacha agus ar churaclaim éagsúla. Agus fás ag teacht orainn táimid ag ullmhú ár n-ailtireacht teicneolaíoch chun tabhairt faoi na margaí nua seo in Éirinn agus níos faide i gcéin agus é mar sprioc orainn díriú ar theangacha mionlaigh eile agus ar earnálacha lasmuigh den oideachas. Tá uirlisí IS (AI) a thacóidh le scoláirí agus le múinteoirí laistigh den ardán atá againn cheana féin i mbun forbartha faoi láthair againn. Chun na tograí seo a bhrú ar aghaidh tá innealtóir uainn atá ábalta tabhairt faoi thograí go neamhspleách, atá ábalta táirgí a fhorbairt chun ár dtograí a bhogadh ó luath-chéimeanna go cruthú coincheapa go tástáil agus ansin go táirgí críochnaithe in am do láinseáil na dtáirgí seo sa dara ceathrú, 2027.

Cé gur comhlacht beag sinn ní bheidh tú ag códáil go haonarach ná ag obair go hiomlán leat féin. Beidh tú ag obair mar chuid d’éiceachóras comhoibríoch agus tú i mbun oibre le bunaitheoirí an chomhlachta, forbróirí ár n-ardán lipéid-bháin agus innealtóirí AI ó ranna taighde ollscoile. Feidhmímid i dtimpeallacht ard-iontaoibh áit gur féidir uaireanta oibre solúbtha a phlé sa chás go bhfeicimid tréan-iarracht agus dílseacht ón duine a cheaptar sa ról.

An Ról
Cad a dhéanfaidh tusa:

Beidh tú ar an gcéad forbróir laistigh den ghnó againn. Is ar sheachadadh trí sprioc ardleibhéil a bheidh do ról dírithe mar aon le cothabháil laethúil an ardáin agus tuairisciú go laethúil ag cruinnithe i measc na foirne.

Ceannasaíocht ar nascadh táirgí nua le cúl an ardáin: Is i dtimpeallacht Python/FastAPI an chúlra a bheidh tú chun ár dtáirgí AI nua a chur ag obair mar chuid dár gcórais. Beidh tú dírithe ar leid-innealtóireacht, eagrú API, agus eagrú píblínte RAG chun cruinneas an AI i leith an oideachais agus na teanga a chinntiú
Ceannasaíocht ar logánú agus ar nuashonrú an phríomhardáin: Glacfaidh tú úinéireacht ar UI an ardáin. Beidh teimpléid REACT in úsáid agat chun loighic sa chúlra a nascadh leis an ardán chun logánú, inrochtaine a chinntiú. Beidh deis anseo táirgí agus réitigh nua a fhorbairt do na hardáin éagsúla a bheidh againn.
• Ullmhú na hailtireachta d’fhorbairt isteach i margadh na mbunscoileanna: Cuirfidh tú an bunús in áit dár n-ardáin bunscoile agus cuirfidh tú ardán lipéid-bháin in oiriúint do mhargadh na bunscoile in am don Samhradh 2027.

Eolas fútsa:

Baineann luach ard le taithí mar a bhaineann le léiriú ar thógáil praiticiúil thar am, baineann luach freisin le hardtuillteanas i gcúrsaí an oideachais. Tá tóir, ach go háirithe, againn ar cháilíochtaí tríú leibhéil a dhéanann teicneolaíocht agus teanga a chumasc (m.sh CSLL i gColáiste na Tríonóide). Ach, tá fianaise shoiléir a léiríonn cumas níos tábhachtaí ná rud ar bith eile. Bíodh is gur céimí ardchumais tú nó innealtóir ríomhairí a bhfuil suim agat inár misean a bhaineann leis an nGaeilge, baineann tú spreagadh ó na freagrachtaí agus na dúshláin a bhaineann le comhlacht óg a fhorbairt agus a mhéadú.

Tagann teic ar dtús: Is forbróir tú atá láidir ó thaobh Python/AI agus tá tú ábalta APInna a nascadh le chéile go rathúil agus tá tú ábalta bunachar sonraí a bhainistiú. Tá cur amach éigin agat ar React agus tá tú toilteanach tabhairt faoi é a fheabhsú agus beidh tú sásta teimpléid UI a úsáid chun obair ar an gcomhéadan a chur i gcrích.
Tá meon ar an dara tosaíocht: Is duine tú a réitíonn fadhbanna ar shlí réalaíoch, tá tú ábalta cruthú coincheapa a thógáil agus táirge láidir críochnaithe a fhorbairt as. Tá tú compordach obair a dhéanamh go haonarach, míniú a thabhairt ar choincheapa teicniúla do lucht éisteachta neamh-theicniúil agus tá sé ar do chumas do chuid smaointe féin ar tháirgí a chur chun cinn.
Bónas an teanga: Níl an chuid seo riachtanach ach chuirfeadh cumas nó suim sa Ghaeilge mar theanga na hoibre go mór le d’iarratas. Cabhróidh sé leat mionéagsúlachtaí sa UX a aithint agus measúnú a dhéanamh ar aschuir an IS cé go mbeidh tacaíocht ann duit i gcinntiú caighdeán na teanga.

Próiseas an Agallaimh

Tabharfaidh na hagallaimh deis dúinn aithne a chur ortsa ach tá sé riachtanach go mbeadh deis agatsa aithne a chur orainne freisin chun a bheith cinnte go mbeidh bunús maith oibre eadrainn; beidh tusa ag díol do chuid scileanna linne ach beimidne ag díol na físe leatsa ag an am céanna.

Beidh dhá chéim, ar a laghad, le próiseas an agallaimh, beidh céim bhreise leis an bpróiseas má chinntear o bhfuil gá leis.

Céad Agallamh (Céim a 1): Agallamh, i bpearsan, bunaithe ar do chúlra, na spriocanna atá agat agus ar do thaithí. Cuirfimid fís SúilSiar faoi do bhráid, foghlaimeoimid faoi na huaillmhiain atá agatsa agus cinnteoimid gur cleamhnas maith a bheadh eadrainn, ní bheidh an t-agallamh seo ró-theicniúil.
Dara Agallamh (Céim a 2): Comhrá praiticiúil, tionscnamh-bhunaithe ar a dhéanfar measúnú chun do chur chuige agus do chumas fadhbanna a réiteach a mheas.

Sonraí an róil & iarratas

Suíomh: Hibrideach (Dhá lá sa tseachtain ar an láthair)
Conradh: Lán-aimseartha (Fad gan sainmhíniú / 3 bhliain ar a laghad, tréimhse phromhaidh 6 mhí)
Tuarastal: €40,000 sa bhliain + 23 lá saoire
Iarratas: Cur chugainn CV agus litir chlúdaigh a dhéanann cur síos ar an gcúis go n-oireann an ról seo duitse agus ar cén fáth go spreagann ár bhfís IS a chruthú do theangacha mionlaigh tú. Is féidir iarratais a chur chugainn ag eolas@suilsiar.ie roimh an 20ú Iúil, cuir le do thoil, naisc a léiríonn obair atá déanta cheana agat nó próifíl GitHub chomh maith chugainn. Is féidir an t-iarratas a dhéanamh trí LinkedIn ag https://www.linkedin.com/jobs/view/4433798845/

Oifigeach Margaíochta Digití & Ábhair Chruthaithigh

Scríofa ag Sadhbh Ní Mhéalóid ar 8 Meitheamh 2026.

Ag tuairisciú go díreach don Cheann Margaíochta & Cumarsáide, beidh an tOifigeach Margaíochta Digití & Ábhair Chruthaithigh freagrach as láithreacht dhigiteach agus cumarsáid laethúil Kinia a sheachadadh. Is ról praiticiúil é seo atá dírithe ar ábhar agus a chuimsíonn meáin shóisialta, margaíocht ríomhphoist, feachtais dhigiteacha, scéalaíocht
agus podchraoltóireacht. Beidh an té a cheapfar ina dhuine tionscantach cruthaitheach a bhfuil paisean aige/aici do chruthú ábhair atá an-láidir agus ag teacht le treochtaí reatha chun aird a tharraingt agus feidhmíocht a spreagadh ar ardáin dhigiteacha agus shóisialta, agus a n-éiríonn go maith leis/léi i dtimpeallacht ghasta atá bunaithe ar mhisean.

Seans go n-áireofar sa phróiseas roghnúcháin:

Scagadh iarratas;
Gearrliostú iarrthóirí bunaithe ar an eolas san iarratas.
Agallamh réamhléiritheach iomaíoch;
Agallamh deiridh iomaíoch.

Déanaimid ár ndícheall freagra a thabhairt do gach iarratasóir laistigh de cheithre seachtaine.

Má tá míchumas agat nó má theastaíonn socruithe réasúnta uait le linn an phróisis roghnaithe, molaimid go láidir duit é sin a chur in iúl dúinn ionas gur féidir an tacaíocht chuí a chur ar fáil duit.

Raon Tuarastail: €36,000 – €38,000

Conas Iarratas a Dhéanamh

Seol ríomhphost go grainneflanagan@kinia.ie
Spriocdháta: 27 Iúil 2026, 17:00 (Am na hÉireann)

Saor-aistritheoirí agus saor-athbhreithneoirí Gaeilge

Scríofa ag Alex Hijmans ar 8 Meitheamh 2026.

Tá foireann ghairmiúil ardfheidhmíochta de theangeolaithe Gaeilge ag Context, agus tá borradh ag teacht ar an bhfoireann sin i rith an ama. Tá deiseanna iontacha ar fáil againn san iliomad réimsí (m.sh. oideachas agus na healaíona), agus sna conarthaí atá againn le heagraíochtaí náisiúnta agus eagraíochtaí idirnáisiúnta araon.

Tá an Ghaeilge thar a bheith tábhachtach dúinn, agus cuireann sé lúcháir orainn i gcónaí a bheith in ann tacaíocht a thabhairt do theangeolaithe Gaeilge ina ngairmréimeanna. Cuirimid an-bhéim ar aire mhaith a thabhairt do na daoine a n-oibrímid leo. Cuirimid oiliúint ar fáil i dtaobh ár gcuid uirlisí, sreafaí oibre agus próiseas lena chinntiú go mbíonn gach rud is gá agat chun tosú ag obair linn.

Na scileanna agus na hinniúlachtaí ábhartha:

Cáilíocht i léann an aistriúcháin nó 2 bhliain nó níos mó de thaithí ar a bheith ag obair mar aistritheoir/athbhreithneoir
B’fhearr go mbeadh taithí agat ar uirlisí CAT (memoQ) a úsáid
Inniúlacht taighde
Cur amach ar shreafaí oibre aistriúcháin agus athbhreithnithe
Ba bhuntáiste creidiúnú Fhoras na Gaeilge a bheith agat ach níl gá leis

Déan teagmháil linn chun tuilleadh eolais a fháil faoi raon feidhme agus éagsúlacht na hoibre atá ar fáil. Ba phléisiúr dúinn na deiseanna seo a phlé leat.

Guthán: +353 91 790255
Is féidir iarratais a chur isteach trínár suíomh gréasáin: https://webapps.context.ie/va/

Ionadaí in Iarscoil Charna

Scríofa ag Sadhbh Ní Mhéalóid ar 3 Meitheamh 2026.

Tá Comhar Naíonraí na Gaeltachta ag lorg iarratais don phost mar Ionadaí Iarscoile in Iarscoil Charna, Carna, Co. na Gaillimhe.

Beidh an té a cheapfar ag cur imeachtaí agus gníomhaíochtaí spraíúla, spóirt, ealaíon agus ceardaíocht ar fáil do pháistí bunscoile le tacaíocht ón bhfoireann. Tá Gaeilge mhaith riachtanach don phost seo chomh maith le scileanna maithe cumarsáide agus idirphearsanta.

Is post páirtaimseartha é seo, le uaireanta/laethanta solúbtha.

Beidh CNNG ag cuir painéal fostaithe/oibrithe le chéile ón agallamh seo chun postanna eile a thagann aníos san Eagraíocht a líonadh.

Tá lánrogha ag CNNG é sin a athrú de réir mar a fheileann sé don chomhlacht agus ag brath ar na postanna atá le líonadh.

Seol litir iarratais mar aon le CV, i nGaeilge amháin, ar ríomhphost amháin chuig: Bainisteoir Acmhainní Daonna CNNG. Seoladh ríomhphoist: foluntas@cnng.ie

Chun tuilleadh eolais a fháil, is feidir gloach ar 091 595 337.

Fostóir chomhdheiseanna is ea Comhar Naíonraí na Gaeltachta.

Príomh-Múinteoir Luathbhlianta (Clúdach Saoire Mháithreachais) in Ionad Tacaíochta Teaghlaigh Bhaile an Fheirtéaraigh

Scríofa ag Sadhbh Ní Mhéalóid ar 26 Márta 2026.

Príomh-Múinteoir Luathbhlianta (Clúdach Saoire Mháithreachais) in Ionad Tacaíochta Teaghlaigh Bhaile an Fheirtéaraigh

Tá Comhar Naíonraí na Gaeltachta ag lorg Príomh-Múinteoir Luathbhlianta (Clúdach Saoire Mháithreachais) in Ionad Tacaíochta Teaghlaigh Bhaile an Fheirtéaraigh, Baile an Fheirtéaraigh Thiar, Trá Lí, Co. Chiarraí V92 K5WT.

Ní mór d’iarrthóirí cáilíocht Leibhéal 6 i gCúram Leanaí (QQI/ FETAC nó a chomhionann) a bheith acu, agus taithí ar obair le páistí faoi chúig bliana d’aois chomh maith le taithí ag obair mar chuid d’fhoireann. Tá líofacht sa Ghaeilge riachtanach don phost seo.

Tuilleadh anseo