Siúlóid Oidhreachta; Duga Spencer, Ceantar na nDugaí, Baile Átha Cliath

Tá an tsiúlóid treoraithe seo mar chuid d’Fhéile Ealaíon Five Lamps (Five Lamps Arts Festival – Five Lamps Arts), a bhíonn ar siúl gach bliain i Lárchathair Oirthuaisceart Bhaile Átha Cliath. Is é aidhm na Féile Ealaíon ná aird a tharraingt ar an gcruthaitheacht sa cheantar agus spiorad muintearas, pobail agus ceangail a chothú trí na healaíona a chur chun cinn sa chuid spleodrach éagsúil seo den chathair.

An tSiúlóid: 

Is turas treoraithe neamhfhoirmiúil, trí mheán na Gaeilge, é seo timpeall cheantar Dhuga Spencer agus na nDugaí Thoir. Déanfaidh an t-ailtire, Breandán Mac Aodha Bhuí, iniúchadh ar an gceantar ó thaobh oidhreachta ailtireachta agus innealtóireachta de. Cuirfear tús leis an siúlóid ag stad Luas Dhuga Spencer, agus ansin leanfar ar aghaidh go dtí an Chanáil Ríoga agus cois Life, sula gcuirfear deireadh leis ag an ‘bhFostáisiún’ ar Bhóthar an Phoirt Thoir, atá ina iarsmalann anois.