‘Puisín Beag an Diabhail’ – Leabhar Filíochta le hÉire Ní Fhaoláin

Ar an 22 de mhí Eanáir ag 7in, seolfaidh an scríbhneoir, amhránaí traidisiúnta agus ceoltóir Éire Ní Fhaoláin a dara leabhar filíochta ‘Puisín Beag an Diabhail’. Beidh an leabhar á sheoladh ag an bhfile rathúil Ben MacCaoilte. Ar an oíche, beidh filíocht ón leabhar á léamh ag filí áitiúla, agus beidh ceol agus amhránaíocht thraidisiúnta le cloisteáil. Cuirfear sóláistí ar fáil ag an imeacht.

Is cnuasach filíochta é ‘Puisín Beag an Diabhail’ a bhfuil naoi ndánta Gaeilge ann, a ghlacann inspioráid ón nádúr, mar aon leis an mbéaloideas a bhaineann leis an gcat dubh agus le huimhir a naoi. Tá Éire Ní Fhaoláin sa dara bliain i gColáiste na Tríonóide agus tá staidéar á dhéanamh aici ar an nGaeilge agus ar an gCeol.

Leag Éire dearadh an leabhair agus na léaráidí amach le cabhair óna deartháir cruthaitheach Cú Chulainn Ó Faoláin agus foilseofar an leabhar mar chuid de theach foilsitheoireachta a teaghlaigh; fóġṁar – fómhar.

Bígí linn don oíche speisialta seo!