Lá Teaghlaigh – campa agus comhrá

Fad is atá na páistí amuigh ag spraoi agus ag foghlaim faoin nádúr ar maidin le múinteoir cáilithe a ritheann campaí spraoi go minic, is iad na tuismitheoirí a bheidh ar scoil! Agus deis acu a gcuid scileanna cainte a chleachtadh i dtimpeallacht réchúiseach thaitneamhach. Tar éis lóin, beidh imeachtaí ann don teaghlach le chéile agus críochnóidh an tráthnóna thart ar a 4.

Tá an imeacht seo oiriúnach do leanaí 6 – 12 bhliain d’aois. Ba cheart a chinntiú go mbíonn bróga/buataisí agus éadaí atá oiriúnach don bháisteach ag gach éinne, idir leanaí agus daoine fásta, agus athrú éadaí más féidir.

Iarrtar ort lón “picnic” a thabhairt leat, ach cuirfear tae, caife, agus sóláistí beaga ar fáil i rith an lae.

€60 an costas do thuismitheoir/caomhnóir agus páiste amháin, agus €80 do thuismitheoir/caomhnóir agus níos mó ná páiste amháin. Níl spás ach do 12 pháiste mar sin déan d’áit a chur in áirithint gan mhoill!

Le tacaíocht ó Theanga Tí