Geandáil Ghasta – Gaeilge le Chéile

Is imeacht sóisialta spraíúil é Geandáil Ghasta atá deartha chun daoine a thabhairt le chéile chun Gaeilge a labhairt agus cairdeas (nó b’fhéidir grá!) a chruthú i dtimpeallacht suaimhneach agus fáilteach.

Tá an ócáid oscailte do gach leibhéal Gaeilge – ó thosaitheoirí go cainteoirí líofa – agus tá an bhéim ar chomhrá nádúrtha seachas foirfeacht. Beidh babhtaí ann ar feadh cúpla nóiméad agus ansin aistreoidh daoine chun labhairt le duine nua, le “icebreakers” simplí ar bhileoga ag gach bord, chun cabhrú le daoine tosú ag caint gan brú.

Tá fáilte roimh chách, ní hamháin cainteoirí Gaeilge, ach aon duine a bhfuil suim acu sa teanga agus sa chultúr. Is ceiliúradh é ar an nGaeilge mar theanga bheo, shóisialta agus oscailte.