Ceiliúradh Imbolc/Brigid

Beidh Craobh Inse Chór de Chonradh na Gaeilge ag teacht le chéile le club CLG Mhuire na Dea-Chomhairle – Gaeil na Life le tacaíocht ó Dynamic Drimnagh & Comhairle Cathrach Bhaile Átha Cliath chun ceiliúradh a dhéanamh ar Imbolc/Naomh Bríd.

Tá failte roimh dhaoine teacht ag an gclubtheach atá lonnaithe ar Bhóthar Mhic Dháibhéid, D12AX61 Dé hAoine, an 30 Eanáir ó 7pm ar aghaidh.

Beidh an ócáid ag tosú le grianghraif de na Brigids, Brídeanna, Bredas ón gceantar sa halla mór agus ina dhiaidh sin beidh taispeántais, ceardaíocht, léacht & ceardlann sa seomra cúil i dtimpeallacht dhátheangach.

Críochnófar an oíche le Pop-Up Gaeltacht agus seisiún ceoil sa bheár.

Scaipigí an scéal agus bígí linn ar an oíche!