Oifigeach Obair Óige
Is post páirtaimseartha é seo (21 uair sa tseachtain).
Is eagraíocht óige í Feachtas a bhfuil sé mar aidhm aici an Ghaeilge a chur chun cinn i measc daoine óga agus cuidiú lena bhforbairt phearsanta agus shóisialta. Déantar é seo trí chlubanna óige agus imeachtaí sóisialta a eagrú i gcomhpháirt leo, trí mheán na Gaeilge.
Tá clubanna óga againn i dTamhlacht, Baile Munna, Baile Lotrail agus Baile Brigín Tá an post seo mar Oifigeach Obair Óige á mhaoiniú ag an Roinn Leanaí agus Oideachais tríd an Scéim
Deontas do Sheirbhísí Óige.
Tá ár n-oifig i dTamhlacht, Baile Átha Cliath. Beidh rogha ann cianobair a dhéanamh ó am go chéile.
Príomhdhualgais an phoist:
- Clubanna óige a mhaoirsiú faoi threoir an bhainisteora agus Choiste Ceannais Feachtas
- Freastal ar chlubanna óige Feachtas sa tráthnóna
- Tacaíocht agus traenáil a chur ar fáil do cheannairí agus do na baill óga
- Cabhrú leis na clubanna cloí le polasaithe agus spriocanna na heagraíochta
- Imeachtaí agus turais a eagrú mar chuid d’fhoireann Feachtas
- Tacú le hiarratais ar dheontais agus tuairiscí a chomhlánú
- Obair riaracháin
- Obair ar na meáin shóisialta agus an suíomh idirlín a choinneáil suas chun dáta
Riachtanais:
- Taithí ar obair óige (ar a laghad bliain amháin de thaithí ar obair óige)
- Ardchaighdeán Gaeilge, idir labhairt agus scríobh
- Scileanna láidre idirphearsanta agus cumarsáide
- Scileanna maithe eagrúcháin agus riaracháin, lena n-áirítear scileanna ríomhaireachta
Inmhianaithe: - Cáilíocht chuí sa Ghaeilge nó san obair óige nó a chomhionann
- Ceadúnas glan tiomána agus teacht ar charr
Tuarastal: Is é an tuarastal don phost ná: €18 in aghaidh na huaire
Beidh traenáil ar fáil.
Iarratas:
- Ní mór (i) litir iarratais agus (ii) CV iomlán a chur le ríomhphost chuig an Cathaoirleach ag
eolas@feachtas.ie - Spriocdháta d’iarratais: 21 Lúnasa, 2026 17:00
