Seo cúig mholadh do thuismitheoirí agus seantuismitheoirí atá ag iarraidh níos mó Gaeilge a bheith á úsáid sa bhaile.
Na moltaí #
1. Úsáid frásaí simplí Gaelacha i rith an lae
Mar shampla:
- “Oíche mhaith” seachas “Goodnight”
- “Go raibh maith agat” seachas “Thank you”
- “Maith an buachaill” nó “Maith an cailín” seachas “Good boy” or “Good girl”
- “Slán” seachas “Goodbye”
2. Léigh leabhar Gaeilge ag am codlata
Tá neart leabhair áille ar fáil agus ní fhágfar ag lorg frásaí thú!
3. Éist le raidió Gaelach
Cuir an raidió ar siúl i rith an lae – stáisiúin cosúil RTÉ Raidió na Gaeltachta, Raidió na Life nó Raidió Rí-Rá.
Breathnaigh ar TG4 nó na cláir ar a sheinnteoir TG4.
Cabhróidh sé seo le sealbhú teanga agus foghraíocht.
4. Cruthaigh lipéid simplí le crochadh timpeall an tí
Lipéid cosúil le “Doras”, “Bosca Bruscar”, “Fuinneog”, “Staighre”, “Ríomhaire”, “Tolg”, “Cathaoir”, “Bord”, srl – níl deireadh leis an liosta!
Bain úsáid as foclóir.ie chun teacht ar aistriúcháin.
5. Roghnaigh gnás amháin i do ghnáthshaol mar ‘am Gaeilge’
Roghnaigh gnás amháin i do ghnáthshaol (bricfeasta, dinnéar, turais charr – cibé ceann atá an strus is lú ag baint leis!), foghlaim na frásaí nó foclóir a bhaineann leis, agus beidh ‘am Gaeilge’ agat gach lá.
Na buntáistí #
Nuair a labhraíonn tú le páiste as Gaeilge, tá tú ag tabhairt buntáiste luachmhar dó/di a d’fhéadfadh cabhrú leis/léi:
- Foghlaim conas léamh agus comhaireamh
- Teangacha nua a fhoghlaim
- Scileanna cumarsáide a fhorbairt
- Post a fháil amach anseo
- Cairde nua a dhéanamh
- A bheith páirteach i nglúin nua cainteoirí Gaeilge
- Féiniúlacht a threisiú
Scéim Teanga Tí #
Faigh níos mó eolais, comhairle, acmhainní agus go leor eile ó Ghlór na nGael tríd a scéim Teanga Tí.
Tugann Teanga Tí an-tacaíocht do theaghlaigh atá ag tógáil clainne le Gaeilge.
Eolas sa bhreis #
- Comhairle maidir le bheith ag tógáil páistí le Gaeilge taobh amuigh den Ghaeltacht
- Má tá tú ag tógáil páistí le Gaeilge sa Ghaeltacht, is féidir tacaíocht áitiúil a fháil ó na grúpaí seo: Tuismitheoirí na Gaeltachta, Muintearas, Tús Maith, Comhar Naíonraí na Gaeltachta agus Óige na Gaeltachta
