Faigh eolas anseo ar conas a chur in iúl do dhaoine (cairde, fostóirí, an pobal) go bhfuil Gaeilge agat, agus go bhfuil tú sásta í a labhairt.
An duine aonair #
Suaitheantais
Is dócha gurb é An Fáinne an bealach is aitheanta chun cur in iúl do dhaoine go bhfuil Gaeilge agat agus tú i measc comhluadar. Caitheann tú ar do liopa é, ionas go bhfeiceann daoine é agus go dtuigeann siad go bhfuil siad in ann Gaeilge a labhairt leat.
Tá Fáinne Óir, Fáinne Airgid agus suaitheantas Cúpla Focal ar fáil, agus léiríonn an ceann a roghnaíonn tú é chomh compordach atá siad a bheith ag labhairt Gaeilge. Má tú líofa, caith an Fáinne Óir, nó mura bhfuil tú fós, roghnaigh an Fáinne Airgid nó an Cúpla Focal.
Tá sé níos éasca comhrá a thosú i nGaeilge nuair atá a fhios agat go bhfuil an té lena bhfuil tú ag caint báúil agus sásta í a labhairt freisin.
I ndáiríre, is é féin-dearbhú na suaitheantais seo maidir le cumas an duine féin sa Ghaeilge agus mar sin, níl aon ghá scrúdú a dhéanamh chun ceann a fáil. Go minic, bronnann an múinteoir suaitheantas cuí ar fhoghlaimeoirí iad tar éis dóibh rang Gaeilge a chríochnú.
Is féidir na fáinní agus suaitheantais eile cheannach ó phríomhsiopaí na Gaeilge cosúil le Gael Linn, An Siopa Leabhar, An Siopa Gaeilge agus siopaí eile mar iad.
Caighdeán agus cáilíocht
Taobh amuigh den chóras oideachais, is é an Teastas Eorpach na Gaeilge (TEG) an cháilíocht is coitianta chun cumas an duine sa Ghaeilge a mheas agus a léiriú. Cuireann TEG sraith scrúduithe agus cáilíochtaí ar fáil do dhaoine fásta atá ag foghlaim na Gaeilge. Tugann na scrúduithe seo deis d’iarrthóirí, ó ghlantosaitheoirí go leibhéil ardchumais, a gcumas a dheimhniú sa labhairt, sa chluastuiscint, sa léitheoireacht agus sa Ghaeilge scríofa.
Is féidir teastais, dioplómaí, céimeanna agus iarchéimeanna a dhéanamh freisin le Gaeilge. Bheadh sé intuigthe gur ionann an cháilíocht a bhaintear amach agus leibhéal áirithe TEG.
Comhlachtaí agus eagraíochtaí #
Tá go leor scéimeanna tacaíochta do chomhlachtaí agus eagraíochtaí timpeall na tíre atá ag iarraidh an Ghaeilge a chur chun cinn, agus tá suaitheantais éagsúla ar fáil mar pháirt dóibh chun léiriú lena gcustaiméirí srl go bhfuil siad báúil don Ghaeilge.
Eolas sa bhreis #
- Aimsigh tuilleadh eolais ar stair na bhFáinní ó Chonradh na Gaeilge.
- Féach ar na heagraíochtaí a chuireann ranganna Gaeilge ar fáil
- Tabhair cuairt ar ár leathanach d’fhoghlaimeoirí
