County: Doire
Cló Cholmcille
Foilsitheoirí ag ceiliúradh 1500 bliain de litríocht ón Iar-Thuaisceart. Gaeilge agus fáilte.
🥇 Bonn Óir sa chatagóir ‘Seirbhís i nGaeilge’ ag Gradam Gnó na hÉireann
An Croí – Teach Caife agus Bistro
Cuireann An Croí, teach caife agus bistro, seirbhís dhátheangach ar fáil do dhaoine atá ag iarraidh Gaeilge a úsáid agus do dhaoine atá ag iarraidh cúpla focal a úsáid agus iad ar cuairt.
Bricfeasta, lón, tae agus caife, seacht lá na seachtaine.
Bíonn oíche théama ann anois is arís.
🥇 Bonn Óir sa chatagóir ‘Seirbhís i nGaeilge’ ag Gradam Gnó na hÉireann 2024
LIGID Léiriúcháin
Tá cáil ag LIGID Léiriúcháin ar son cláracha crúthaitheach, taitneamhach, dúshlánach agus daonna.
🥇 Bonn Óir sa chatagóir ‘Seirbhís i nGaeilge’ ag Gradam Gnó na hÉireann
An tIonad Fíona / Absolute Organic Wine
Tig leat do ghnó a dhéanamh ar líne nó do Ghaeilge a usáid san ionad. Beidh fáilte romhat!
🥈Bonn Airgid sa chatagóir ‘Seirbhís i nGaeilge’ ag Gradam Gnó na hÉireann 2024
Cultúrlann Uí Chanáin
D’fhás An Gaeláras as craobh de chuid Chonradh na Gaeilge a bunaíodh sa bhliain 1983 i ndá sheomra i dTaobh an Bhogaigh.
Bunaíodh an chraobh chun ranganna Gaeilge a chur ar fáil. Bhí an t-éileamh ar ranganna chomh mór sin gur bhog an chraobh chuig foirgneamh eile i 1988, áit a raibh siad mar thionónta go dtí gur ceannaíodh 34 Mórshráid Shéamais, i 1992.
Osclaíodh Cultúrlann Uí Chanáin i mí Mheán Fómhair 2009 le hamharclann, caifé, siopa, club óige, agus seomraí léachta agus ranga.
🥇 Bonn Óir sa chatagóir ‘Seirbhís i nGaeilge’ ag Gradam Gnó na hÉirean
Uaireanta Oscailte
Dé Luain – Déardaoin 9:00r.n. – 5:00i.n.
Dé hAoine 9:00r.n. – 4:00i.n.
An Carn
Is é Coiste Forbartha Charn Tóchair atá i bhfeighil an ionaid seo. Bunaíodh an Coiste in 1992 le hathghiniúint cheantar Charn Tóchair i gContae Dhoire a chur chun cinn. Tá athbheochan na Gaeilge sa cheantar lárnach d’éiteas an Choiste.
San ionad é féin, tá siopa, amharclann, halla ilúsáide, seomraí cruinnithe agus comhdhála, chomh maith le dhá theach saoire féinfhreastail agus go leor eile ar fáil. Bíonn imeachtaí óige á soláthar ag Óige Charn Tóchair i rith na bliana ag spreagadh an aosa óg i dtreo na Gaeilge.
Uaireanta Oscailte:
Luan go hAoine, 9:30r.n. – 5:00i.n.
Satharn, 9:30r.n. – 4:00i.n.
Domhnach, 10:00r.n. – 4:00i.n.
Siopa An Carn
Siopa Bronntanais agus leabhar le rogha leathan bronntanais, réimse leabhar do gach aois, cártaí, potaireacht agus neart ábhair Ghaeilge eile.
🥇 Bonn Óir sa chatagóir ‘Seirbhís i nGaeilge’ ag Gradam Gnó na hÉireann
Bácús, Caifé na Cultúrlainne
Is bácús agus caifé é an Bácús i gCultúrlann Uí Chanáin. Oibríonn an Cócaire Laurent Pirone agus a fhoireann le comhábhair úra chun réimse leathan de chístí maidine, aráin speisialtachta agus roghanna an lae a dhéanamh atá faoi anáil na Fraice agus na hÉireann.
Tá taos géar, brioche agus arán cruithneachta ar fáil, agus tá Laurent ar fáil fosta chun lónadóireacht a dhéanamh d’ócáidí príobháideacha, sa chaifé féin nó taobh amuigh.
Scullery Magee
Bacús Ceardaí agus teach caife ag diriú ar bia bailedhéanta gach lá, lonnaithe san ionad nua teagasc i gCampas Mhig Aoidh, Doire.
Tá seirbhís teoranta as Gaeilge ar fáil ag brath ar na Gaeilgeoirí bheith ag obair.
An Teach Glas
Lóistín féinfhreastal 4* lonnaithe i nGaeltacht nua Charn Tóchair. Tá dhá theach ann – Teach Loch Bran agus Teach Shuí Finn le trí sheomra leapa in achan teach.
Dearcán Media
Bunaíodh Dearcán Media i 2010 mar chomhlacht do leas an phobail. Tá sé lonnaithe i gCultúrlann Uí Chanáin, ionad Gaeilge d’ardcháil i nDoire.
Ón chéad dul síos bhí trí sprioc ag Dearcán Media:
- Guth a thabhairt do phobal na Gaeilge i nDoire agus san Iarthuaisceart
- Traenáil a sholáthar agus tionscadail phoiblí a fhorbairt
- Coimisiúin Ghaeilge a fháil ar théamaí polaitiúla, cultúrtha agus stairiúla
🥇 Bonn Óir sa chatagóir ‘Seirbhís i nGaeilge’ ag Gradam Gnó na hÉireann
An Coire
Is ionad ealaín é an Coire atá lonnaithe i gCarn Tóchair ar an láthair atá ag An Carn. Tá Stiúdeo ealaín, fáiltiú agus Halla Mór inar féidir le 220 duine bheith ina suí.
Aileach Digital
Cuirimid seirbhisí saincheaptha ar fáil do scoileanna, cumainn nó gnólachtaí.
Dearaimid gach rud, ó shuíomhanna galánta simplí go dtí Córais Bhainistíochta Foghlamtha atá curtha in oiriúint go dtig leat iad a úsáid ar an phointe boise! Tá gach seirbhís ar fáil i nGaeilge.
