Cuireadh tús leis an chéad ghréasán náisiúnta de chiorcail chomhrá faoi theideal an fheachtais ‘Caint & Comhrá’ (ar a dtugadh ‘Is Leor Beirt’ air cheana) i gcomhar le Scéimeanna Phobail Gaeilge.
Tá sé an-éasca grúpa nua ‘Caint & Comhrá’ a bhunú – níl ag teastáil ach go mbuailfidh grúpa beag le chéile i gcaife áitiúil nó sa bhialann san ionad oibre le comhrá le chéile i nGaeilge ar bhonn rialta.
Níl aon chostas de dhíth chun páirt a ghlacadh sa ghréasán, nó am breise go minic, nuair a tharlaíonn siad ag am lóin nó sos caife a bheadh á ghlacadh ag daoine ar aon nós.
Nuair atá am, áit agus sonraí teagmhála agat don chiorcal comhrá, seol na sonraí chuig caint@cnag.ie nó is féidir sonraí an chiorcail a chlárú mar imeacht ar scéal.ie féin.
