Author: Sadhbh Ní Mhéalóid

Tugann Aedín Ní Thiarnaigh, nó Bláthanna Fiáine, freagraí dúinn anseo ar ár gceistneoir Naoi gCeist, atá bunaithe ar mhúnla an Cheistneora Proust.

Déanann an scríbhneoir, colúnaí agus saineolaí ar bhláthanna fáinne cur síos ar cathain a bhíonn sí is sona sásta, ar céard a chaitheann sí a chuid airgid, na leabhair is fearr léi agus níos mó.

Cathain a bhíonn tú is sona sásta? Nuair a bhíonn lá saor agam agus aimsir mhaith ann. Dhéanfainn siúlóid amuigh faoin aer agus chaithfinn an chuid eile den lá ag léamh leabhar maith bé-lit!

Céard é an shó is mó ar a gcaitheann tú d’airgead?

Nuair a théim ó Inis Meáin go dtí an mhórthír le hAer Árann seachas ar an mbád!

Cén tréith is tábhachtaí duit i gcara? Cineáltas

Cén focail nó nathanna cainte a úsáideann tú rómhinic? “Inis Meáin”! Nó “na Bláthanna Fiáine”!

Ainmnigh cúpla rud a chuireann isteach ort? Lucht “An bhfuil cead agam dul go dtí an leithreas”

Dá bhféadfá rud amháin a athrú fút féin, céard a roghnófá? Ba dheas liom a bheith níos foighní b’fhéidir. Tá mé ag obair air…

Cén duine a mhaireann an bhfuil an meas is mó agat orthu? Mo mhamó agus mo dhaideo i Luimneach – ní fhéadfainn duine acu a roghnú thar a chéile! Daoine lácha, dearfacha, cliste iad agus tá grá mór agam dóibh.

Cé hiad na húdair/an leabhar is fearr leat? Is grá lem’ chroí saothar Maeve Binchy, go háirid “A Week in Winter” agus “Evening Class”. Seachas sin, is aoibhinn liom aon saghas leabhair bé-lit. Bím ag léamh nuair a theastaíonn uaim scíth a ligean, mar sin bhíonn fonn ar bith orm breathnú ar ábhar duairc.

Céard é an ceacht is tábhachtaí atá foghlamtha agat faoin saol go dtí seo? Is beag rud sa saol a bhíonn dubh agus bán…

Go raibh míle maith ag Aedín as a cuid freagraí suimiúla.

Is féidir coimeád suas le hAedín ar a suíomh idirlíon Bláthanna Fiáine, nó ar Instagram anseo.