Oifigeach Seirbhísí Teicneolaíocht Faisnéise
Post ar Chonradh Sainchuspóra – 1 bhliain
Beidh an tOifigeach Seirbhísí TF freagrach as oibriú laethúil chórais teicneolaíochta faisnéise agus cumarsáide in Údarás na Gaeltachta agus as aon teagmhais nó fadhbanna a bhaineann leo a réiteach chomh tapaidh agus is féidir nuair a tharlaíonn siad.
Beidh an ról freagrach freisin as tacaíocht a thabhairt don Líonra Digiteach (gTeic) agus tacú le tionscadail theicniúla nuair atá siad ar bun, ar nós forbairt na hIntleachta Saorga don Ghaeilge, agus aon tograí TF eile.
Beidh sé/sí freagrach as cothabháil leanúnach a dhéanamh ar chórais chrua-earraí, córais bhogearraí oibriúcháin, bunachair sonraí, agus an bonneagar gaolmhar chun a chinntiú go bhfuil siad oiriúnach don fheidhm agus go gcomhlíonann siad polasaithe agus caighdeáin TFC.
Glacfidh sé/sí páirt i dtionscadail trí chomhairle theicniúil a roinnt le feidhmeanna eile agus téann i dteagmháil le soláthraithe seachtracha agus comhairleoirí chun córais nua a chur i bhfeidhm.
