Oifigeach Nuálaíochta Gaeilge, Gaeilge365 (Ról Dátheangach)

Tá Comhairle Contae Fhine Gall ag earcú Oifigeach Nuálaíochta Gaeilge (Grád an Oifigigh Shinsearaigh Foirne) chun soláthar an chláir Gaeilge365 laistigh d’Fhine Gall a stiúradh. Beidh páirt lárnach ag an ról seo ina chinntiú go gcuirfear straitéis teanga uaillmhianach Fhine Gall chun feidhme go héifeachtach ar an leibhéal áitiúil, agus i rannchuidiú leis an dea-chleachtas náisiúnta ag an am céanna.

Díreoidh an tOifigeach Nuálaíochta Gaeilge ar an nGaeilge a leabú isteach i ngnáthoibríochtaí laethúla Chomhairle Contae Fhine Gall, agus é/í ag tacú le forbairt foirne agus ag cur tionscnaimh straitéiseacha i gcrích lena méadófar na deiseanna a bheidh ag muintir Bhaile Átha Cliath an Ghaeilge a úsáid ina bpobail, ina n-áiteanna oibre agus ina saol cultúrtha.
Oibreoidh an tOifigeach Nuálaíochta Gaeilge le foireann réigiúnach Gaeilge365 ar fud cheithre údarás áitiúla Bhaile Átha Cliath.

Do tuilleadh eolais agus/nó chun cur isteach ar an bpost: https://www.fingal.ie/jobs
https://www.fingal.ie/sites/default/files/2026-05/irish-language-innovation-officer-gaeilge-365-job-spec-2026-ga.pdf