Seoladh suíomh idirlín úrnua de chuid Fhís an Phobail le linn Oireachtas na Samhna 2025 i mBéal Feirste ar na mallaibh.
Líonra pleanála teanga Iarthar Bhéal Feirste is ea Fís an Phobail – fuair an limistéar stádas oifigiúil mar ‘cheantar líonra Gaeilge’ ó Fhoras na Gaeilge in 2018.
Is é an sprioc atá ag Fís an Phobail don suíomh úr seo ná mol pobail a chruthú ionas go dtig le pobal na Gaeilge in Iarthar Bhéal Feirste nuacht, eolas nó tacaíocht a aimsiú in aon áit amháin.
Dar le Ciarán Mac Giolla Bhéin gur céim shuntasach chun tosaigh í ‘fisanphobail.com’ do Ghaeilgeoirí in iarthar na cathrach, agus go bhfuil sé tábhachtach go gcoinníonn pobal na Gaeilge suas le cúrsaí teicneolaíochta sa lá atá inniu ann.
Bhí Tomaí Ó Conghaile – scríbhneoir, aistritheoir agus bunaitheoir na hirise NÓS – i láthair chun an suíomh a sheoladh go hoifigiúil agus labhair sé faoin phobal Gaeilge in iarthar Bhéal Feirste agus an dóibh a mbeidh an áis seo ina cuidiú dóibh.
Is féidir leat dul chuig an suíomh tríd an nasc seo.
