Éagsúlacht mhór ar ghearrliosta Ghradaim Chumarsáide an Oireachtais 2025
Fógraíodh Gearrliosta Ghradaim Chumarsáide an Oireachtais 2025 inné agus bunaitheoir NÓS, Tomaí Ó Conghaile, luaite i measc na n-ainmnithe. Foilsíodh liosta de 12 catagóir idir theilifís, raidió agus ábhar scríofa agus fuair fear na féasóige móire aitheantas agus ainmniúchán sa rannóg ‘Colúnaí na Bliana’ as na hailt atá scríofa aige don iris le bliain anuas.
Beidh Oireachtas na Samhna, agus na Gradaim Chumarsáide leis, ag titim amach i mBéal Feirste i mí Dheireadh Fómhair. Is é seo an dara huair a thabharfaidh an tOireachtas cuairt ar an chathair. Cé gur reáchtáladh an fhéile i mBéal Feirste in 1997, sealbhú iomlán ar an chathair a bheidh inti an iarraidh seo nó beidh imeachtaí agus comórtais ar siúl in Óstán Europa, i Halla Cois Cuain/ICC, agus i Halla Uladh i lár na cathrach.
Tá colúnaithe ó Tuairisc, Seachtain agus The Irish News ar na daoine eile atá ainmnithe in éineacht le Tomaí i mbliana.
Bhuaigh scríbhneoir de chuid NÓS an gradam ‘Colúnaí na Bliana’ in 2023 nuair a thug Aedín Ní Thiarnaigh an duais abhaile léi. Ainmníodh Sláine Ní Chathalláin sa chatagóir chéanna, agus ainmníodh Seán Ó Dubhchon dó in 2022 freisin. Mar a tharlaíonn sé, tá an bheirt deiridh sin san iomaíocht le haghaidh ‘Craoltóir Solabhartha na Bliana’ an babhta seo.
Is géire an iomaíocht don duais ‘Iriseoir na Bliana’ ná mar a bhí le tamall agus ionadaíocht ó Nuacht TG4, RTÉ Raidió na Gaeltachta, Scéal agus An Páipéar san áireamh i mbliana.
I measc cuid de na pearsana aitheanta ó shaol na meán atá ar an ghearrliosta tá Áine Ní Bhreisleáin, Louise Cantillon, Máire Ní Churraoin, Máire Treasa Ní Dhubhghaill, John Sharpson, Cuan Ó Seireadáin agus Dónall Mac Ruairí, le cois réimse iontacha de chláir theilifíse agus raidió ó chraoltóirí pobail, tráchtála agus stáit.
Mar a bhíonn go hiondúil, beidh vóta poiblí ann don ghradam ‘Réalta Óg na Bliana’ agus beidh deis ag daoine vótáil don cúigear atá ainmnithe sa rannóg sin ón 23 Meán Fómhair.
Tá an gearrliosta iomlán le fáil anseo thíos.
Bronnfar na Gradaim ar an chéad oíche den Oireachtas, Dé Céadaoin 29 Deireadh Fómhair, i Halla na Cathrach, Béal Feirste.
SRAITH TEILIFÍSE NA BLIANA DO DHAOINE ÓGA
Nuacht Cúla4 – MEANGADH FIBÍN
Scoil Choille – CORCRA MEDIA
Anfa – MEANGADH FIBÍN
Lí Ban – PAPER OWL FILMS
Mo Pheata – MEANGADH FÍBÍN
COLÚNAÍ NA BLIANA
Aodhán Ó Baoill – SEACHTAIN
Bridget Breathnach – TUAIRISC.IE
Robert McMillen – SEACHTAIN / THE IRISH NEWS
Áine Ní Bhreisleáin – SEACHTAIN
Tomaí Ó Conghaile – NÓS
SRAITH RAIDIÓ NA BLIANA
Fios Feasa – RAIDIÓ NA LIFE
Tús Áite – RTÉ RAIDIÓ NA GAELTACHTA
Moch ar Maidin – RAIDIÓ FÁILTE
Ceol sa Chroí – BBC GAEILGE AR BBC RAIDIÓ ULADH
An Taobh Tuathail – RTÉ RAIDIÓ NA GAELTACHTA
IRISEOIR NA BLIANA
Caoimhe Ní Laighin – NUACHT TG4 / RTÉ
Cuan Ó Seireadáin – RTÉ RAIDIÓ NA GAELTACHTA
Jack Mac Íomhair – AN PÁIPÉAR
Marian O’Flaherty – TG4 / RTÉ
Kevin Magee – INIÚCHADH TG4
Conchubhar Ó Liatháin – THE ECHO / SCÉAL – THE IRISH TIMES / THE IRISH EXAMINER
CLÁR TEILIFÍSE/SCANNÁN NA BLIANA
Carna an Cheoil agus na nAmhrán – ANIAR TV
Níl aon Tinteán – CLEAN SLATE PRODUCTIONS
Báite – DANÚ MEDIA
Réiteoir! – MACHA MEDIA
Na Lumaire Gaelacha – CORMORANT FILMS
Aontas – PÚCA PICTURES
PEARSA RAIDIÓ NA BLIANA
Máire Treasa Ní Dhubhghaill – PÉ SCÉAL
Colm Feirtéar – RUAILLE BUAILLE
Róisín Ní Mhaoláin – AN MEANGADH BEAG
Caoimhe ‘Ceol’ Ní Chathail – BLAS
Dónall Mac Ruairí – CÓISIR CEOIL
PEARSA TEILIFÍSE NA BLIANA
Proinsias Ó Coinn
Áine Ní Bhreisleáin
Louise Cantillon
John Sharpson
Síomha Ní Ruairc
CLÁR GAEILGE NA BLIANA AR RAIDIÓ POBAIL
Craic as Gaeilge – FLIRT FM 101.3
Ceol agus Craic – 103.2 DUBLIN CITY FM
‘An Áit a nÓlann an tUan an Bainne’, Ceiliúradh Deich mBliana Fichead – RAIDIÓ POBAIL CHONAMARA
Deich – FLIRT FM 101.3
Aon Scéal – 92.5 PHOENIXFM
Cumasc Ceilteach – FINN VALLEY FM
CLÁR GAEILGE NA BLIANA AR RAIDIÓ TRÁCHTÁLA
Ruaille Buaille – Highland Radio
Splanc – Newstalk
SRAITH TEILIFÍSE NA BLIANA
Is Mise le Mess – RONIN FILMS
Saol na Feirme – STRIDENT MEDIA
Sonas – ANIAR TV
Crá – FIBÍN MEDIA / ZOOGON LTD
Giorraíonn Beirt Bóthar – MACHA MEDIA
Scéalta ár Stampaí – MIDAS PRODUCTIONS
CRAOLTÓIR SOLABHARTHA NA BLIANA
Caoimhe Ní Chonncoille – RTÉ RAIDIÓ NA GAELTACHTA
Seán Ó Dubhchon – RAIDIÓ RÍ-RÁ / RÁIDIÓ NA LIFE
Sláine Ní Chathalláin – RTÉ RAIDIÓ NA GAELTACHTA
Liam Mac Amhlaigh – RAIDIÓ NA LIFE
Dónall Mac Ruairí – RTÉ RAIDIÓ NA GAELTACHTA
Áine Ní Bhreisleáin – BBC GAEILGE AR BBC RAIDIÓ ULADH / TG4
RÉALTA ÓG NA BLIANA
Katelyn Hayes – NUACHT CÚLA4
Róise Ní Mhurchú – BBC RAIDIÓ ULADH
Joe Mac Aoidh – NUACHT TG4 / NUACHT CÚLA 4 / 7 LÁ
Máire Ní Churraoin – TG4 / ARDÁIN ILMHEÁN
Rhiann Flemming – NUACHT TG4 / NUACHT CÚLA 4
The post Éagsúlacht mhór ar ghearrliosta Ghradaim Chumarsáide an Oireachtais 2025 appeared first on NÓS.
