Lá Domhanda an Raidió: Cuairt ar Raidió Fáilte

Bíonn obair na stáisiún raidió ar fud na cruinne á ceiliúradh go bliantúil ar an lá seo, 13ú Feabhra, a ceapadh mar Lá Domhanda Raidió UNESCO in 2011.

Leis an lá a chomóradh, thug Meon Eile cuairt ar Áras Raidió Fáilte le bualadh le foireann an stáisiúin agus lena hobair a phlé. Tá an stáisiún 40 bliain ar an fhód i mbliana ó cuireadh tús leis mar stáisiún bradach darb ainm ‘Raidió Feirste ’in 1985 agus ó shin a leith, tá ról lárnach aige i bpobal na nGael i mBéal Feirste, go háirithe in iarthar na cathrach.

Labhair Meon Eile le Jack Mac Íomhair agus le Storm Eaton-Kilgallen ón fhoireann cúrsaí reatha agus nuachta, atá mar phríomh-irischraoltóir agus irischraoltóir cúnta faoi seach, agus le Séimí Mac Aindreasa, a bhfuil ról mar oifigeach rannpháirtíochta pobail aige chomh maith le bheith ina chraoltóir. Labhair muid fosta le April Ní Ír atá ag caitheamh tréimhse taithí oibre le Raidió Fáilte mar chuid dá bunchéim sa Ghaeilge ar Ollscoil na Banríon