Trí seachtaine go Féile Liteartha Chorca Dhuibhne
Níl le fanacht ach trí seachtaine go gcruinneoidh scríbhneoirí, filí agus léitheoirí i gCiarraí d’Fhéile Liteartha Chorca Dhuibhne ar an 15 Samhain. Mairfidh an fhéile trí lá i nDaingean Uí Chúis. Tá clár lomlán eagraithe ag lucht na féile i mbliana idir ceardlanna filíochta, imeachtaí do pháistí agus painéil chainte i nGaeilge.
Déanann Féile Liteartha Chorca Dhuibhne ceiliúradh ar shaothar litríochta de chuid scríbhneoirí na hÉireann. Tugann sí deis d’údair agus d’aistritheoirí a gcuid oibre a phlé agus gréasánaíocht a dhéanamh le díograiseoirí litríochta eile.
Féach thíos cuid de na himeachtaí is mó i mbliana.
Ficsean
Maidhc Oscailte — Tráthnóna lán le Scéalta, Filíocht agus Craic
Beár Mhic Cárthaigh — 15/11/24 — 21:00
Cuirfear fáilte roimh scríbhneoirí leabhar, scríbhneoirí gearrscéalta agus filí a saothar a roinnt ar maidhc oscailte i mBeár Mhic Cárthaigh ar an chéad oíche den fhéile. Idir scríbhneoirí aitheanta agus an chéad ghlúin eile de scríbhneoirí, beidh neart le cloisteáil.
Billy O’Shea – Strange Tales from the North
Siopa Leabhar Dhaingean Uí Chúis — 17/11/24 — 16:30
Is údar é Billy O’Shea a bhfuil cónaí air i gCóbanhávan. Tá gearrscéalta, filíocht agus drámaí scríofa aige agus beidh sé ag plé an idirghníomhaithe idir an ealaín liteartha agus an ealaín fhísiúil.
Neamhfhicsean
Liam Ó Néill – Riastáil le Cormac Begley agus Sláine Ní Chathalláin
Ionad an Bhlascaoid — 16/11/24 — 16:30
Seolfar saothar nua Liam Uí Néill, Riastáil, in Ionad an Bhlascaoid ar an Satharn. Cuirfidh Liam a leabhar nua i láthair agus cluinfear ceol traidisiúnta agus ceol ar an sean-nós ó Cormac Begley agus Sláine Ní Chathalláin.
Ealaín an Aistriúcháin: Comhrá le Bridget Farrell agus Deirdre McMahon
An Díseart — 17/11/24 — 12:00
Beidh Bridget Farrell, bunaitheoir de chuid an chomhlachta foilseacháin Bullaun Press, agus Deirdre McMahon, a bhfuil leabhair do dhaoine fásta agus do pháistí aistrithe aici, ag plé an aistriúcháin agus na cinntí atá le déanamh ag aistritheoirí nuair a chéadfhaigheann siad an buntéacs.
Filíocht
Filíocht le Eileen Sheehan and Afric McGlinchey
An Díseart — 16/11/24 — 16:30
As Ciarraí ó dhúchas, is file aitheanta í Eileen Sheehan a bheidh ag comhrá le hAfric McGlinchey, file agus eagarthóir bunaithe in Iarthar Chorcaí. Téigh ar an imeacht seo agus clois ó bheirt de na filí is urramaí in Éirinn.
Scríobhnóirí ar an mBus
Stad Bus Local Link — 17/11/24 — 10:30
Téigh ar thuras bus thart ar Cheann Sléibhe agus tú ag éisteacht le filíocht úr ó scríbhneoirí ar roghnaíodh a gcuid oibre le dul ar taispeáint ar na busanna i gContae Chiarraí.
Páistí
Scéalaíocht le hOein de Bhairduin agus Natalie Ní Chasaide: An Drúchtín agus an Seilide
Leabharlann Dhaingean Uí Chúis — 16/11/24 — 11:00
Spreagtha ag traidisiún scéalaíochta an lucht taistil in Éirinn, déanfaidh Oein de Bhairduin léamh bríomhar dá shaothar ag an imeacht dátheangach seo. Natalie Ní Chasaide a bheidh ag léamh an leagain Ghaeilge.
Scéalaíocht faoi 8 le Muireann Ní Chíobháin
Ionad an Bhlascaoid— 16/11/24 — 11:00
Buail isteach in Ionad an Bhlascaoid chun scéalaíocht a chluinstin do pháistí faoi ocht mbliana d’aois. Muireann Ní Chíobháin a chuirfidh an t-imeacht i láthair agus í ag léamh leabhair óna saothar féin amhail Gealach & Grian.
Imeachtaí Gaeilge
Painéal Cainte ar Litríocht Chomhaimseartha na Gaeilge
An Díseart — 16/11/24 — 15:00
Déanfar plé ar litríocht chomhaimseartha na Gaeilge ar phainéal cainte le hEoin McEvoy, a d’aistrigh an t-úrscéal grafach Heartstopper go Gaeilge, le Muireann Ní Chíobháin, agus le heagarthóir NÓS, Conor Torbóid. Idir gearrscéalta, filíochta, úrscéalta, nó scéalta aistrithe, beidh neart le cuimhniú air! Hannah Ní Chonghaile, a scríobhann le NÓS, a bheidh mar chathaoirleach.
Club na Féile
Beár Mhic Cárthaigh — 16/11/24 — 21:00
I ndiaidh dhá lá iontacha d’imeachtaí liteartha, lig do scíth i mBeár Mhic Cárthaigh timpeallaithe ag ceol traidisiúnta agus craic. Seans go mbeidh cúpla cur i láthair beo le feiceáil ann freisin.
Titfidh Féile Liteartha Chorca Dhuibhne amach ón 15–17 Samhain. Is féidir an clár iomlán a fheiceáil anseo.
The post Trí seachtaine go Féile Liteartha Chorca Dhuibhne appeared first on NÓS.
