Féile Léana an Dúin 2023

Cuireadh Féile Léana an Dúin ar siúl in Iarthar Bhéal Feirste arís i mbliana agus é níos mó ná riamh.

Bhí imeachtaí ann ar fud an cheantair dírithe ar gach aoisghrúpa, cuir i gcás: lá eolais sláinte, turas polaitiúil thart ar Léana an Dúin, damhsa tae do phinsinéirí, lá spraoi do dhaoine faoi mhíchumas agus an lá mór teaghlaigh le preabchaisleáin agus péinteáil aghaidhe.

Dúirt cónaitheoir áitiúil, Deborah Hamilton, go bhfuil imeachtaí mar seo tábhachtach do mhuintir na háite bualadh lena chéile agus spiorad pobail a chruthú.

Thug Meon Eile cuairt ar roinnt de na himeachtaí agus labhair muid le Glen Philips ó Fhóram Pobail Léana an Dúin a d’eagraigh an fhéile.

Coinnigh súil ar na meáin shóisialta le haghaidh tuilleadh eolais faoi fhéile na bliana seo chugainn.