Is cócaire proifisiúnta é Hugh Corcoran a bhfuil cónaí air i bPáras na Fraince. Is breá leis a bheith ag baint triail as rudaí nua as áiteanna éagsúla fud fad an domhain agus bíonn tionchar aige sin ar an bhia a dhéanann sé féin.
Is as an Bhriotáin an crêpe cáiliúil agus itear é go forleathan sa Fhrainc, mar sin thaispeáin Hugh dúinn cén dóigh le crêpe traidisiúnta a dhéanamh inniu, Máirt na hInde.
