Coinnímis ag ceol le chéile – Meadhbh Nic Aindreasa

Seo an clár deireanach de shraith cheoil s’againn ‘Coinnímis ag ceol le chéile’. Le linn sé seachtaine anuas, thug Meon Eile cuairt ar cheoltóirí agus amhránaithe Gaelacha in Áras Mhic Reachtain i mBéal Feirste. Phléigh muid saol s’acu mar cheoltóir agus na dóigheanna a ndeachaigh an dianghlasáil i bhfeidhm orthu. 

Le linn na géarchéime seo, ní bhíonn móran de dheis ag daoine seinm le chéile ná éisteacht le ceol beo mar sin shocraigh Áras Mhic Reachtain agus Meon Eile go dtabharfadh muid blaiseadh don lucht féachana go dtí go mbeidh muid in ann sin a dhéanamh arís. 

Inniu is í Maedhbh Nic Aindreasa atá linn. Is múinteoir ceoil í Meadhbh atá ag obair i gColáiste Feirste. D’fhás sí aníos leis an cheol thart uirthi agus bhí ról lárnach ag a seanathair, Seán Mac Aindreasa, maidir leis an cheol agus an amhránaíocht a spreagadh.

San fhíseán thíos, tugann Daithí Mac Uait, bainisteoir imeachtaí Áras Mhic Reachtain, intreoir don tsraith. Is eisean a thug cuireadh do na ceoltóirí seinm agus, le cuidiú ón Chomhairle Ealaíon, bhí deis acu airgead a thuilleadh le linn an paindéime fosta.