Lá Idirnaisiúnta an Chairdis

Tá an cairdeas ar na nithe is tábhachtaí ar domhan, go háirithe do pháistí. Cuidíonn sé le forbairt shóisialta s’acu agus, níos mó ná sin, is rud deas é grúpa daoine a bheidh thart ort ar féidir leat muinín a chur iontu.

Innú tá muid ag ceiliúradh Lá Idirnaisiúnta an Chairdis, mar sin bhuail Meon Eile le beirt chairde ó Scoil an Droichid, Óisín agus Che, a bheidh ag dul ar aghaidh go dtí Coláiste Feirste i mbliana, agus atá ag súil le cairdeas s’acu a choinneáil beo sa scoil mhór. Chomh maith leis sin, labhair muid le hAoife Nic Con Midhe faoin chaidreamh fada atá aici lena cara is fearr, Sinéad.

Bain úsáid as an deis seo chun dul i dteagmháil le do chairde. Cuir scairt ar an chara sin nach bhfaca tú le tamall. Agus an dianghlasáil á maolú, is am maith é seo le dul amach agus am a chaitheamh le do chairde is fearr…